Pájina aktualizada iha 17:13h, kuarta-feira 01 Abril

Covid-19: Universidade públika timoroan hahú ensinu hosi distánsia

20 de Março de 2020, 23:03

Universidade Nasional Timor Lorosa'e (UNTL) suspende ona entre loron 24 Marsu to'o 14 Abril aula prezensial tomak, hanesan medida preventiva Covid-19 nian, hatete hosi reitor ba Lusa iha loron-sesta ne'e.


"Hanesan medida preventivu ida ne'ebé halo parte hosi ami nia planu hodi hatán ba pandemia Covid-19. Ami troka ona aula prezensial sira ho ensinu hosi distánsia", afirma hosi reitor UNTL nian, Miguel Martins.

Responsável hosi instituisaun, ho alunu rihun 20 resin, hatutan ona katak, tuir faze no to'o loron 14 Abril, fakuldade sira hotu sei tranzita ba rejimi ensinu hosi distánsia.

Sei estabelese mós, ho apoiu hosi dosente sira, alunu ho médiku sira, sentru sira observasaun nian hosi koronavírus foun iha 'kampus' haat hosi UNTL iha Díli no iha vila Hera, ne'ebé sei permiti haruka kazu suspeitu sira ba sentru médiku sira.

Desizaun sira debate nafatin iha semana ikus ne'e no aprova ona hosi Konsellu Jestaun nian iha loron-kinta, indika Miguel Martins.

Desizaun haree atu planu kontinjénsia fó hatene entre loron-kinta no loron-sesta ba fakuldade sira hotu, nune'e mós ba serbisu administrativu sira.

Dokumentu hakarak fornese mós "informasaun regular kona-ba Covid-19 hamutuk iha komunidade akadémika, liuhosi plataforma sira media nian no rede sosial sira UNTL nian" no autoriza mós profesor sira hodi hili meiu eletróniku sira hosi interasaun ho alunu sira, hanesan gravasaun vídeo sira ho kriasaun hosi sala sira aula virtual nian iha plataforma sira ho aplikasaun sira.

Timor-Leste laiha kazu konfirmadu ruma hosi Covid-19.

Koronavírus foun, responsável hosi pandemia Covid-19, infeta ona ema rihun 235 resin iha mundu tomak, na'in 9.800 resin mate ona. Hosi ema sira ne'ebé infetadu, na'in 86.000 resin rekupera ona hosi moras.

Hafoin mosu iha Xina, iha Dezembru, moras ne'e espalla ona iha nasaun ho teritóriu hamutuk 179, halo Organizasaun Mundial Saúde (OMS) deklara ona situasaun ida pandemia nian.

Nasaun oioin hili ona medida estraordináriu sira inklui rejimi kuarentena ho taka fronteira sira.

Lusa

 


Comentários

Critério de publicação de comentários