Pájina aktualizada iha 13:15h, sesta-feira 07 Agostu

Eskola Portugeza Díli nian taka to'o final períudu letivu nian

21 de Março de 2020, 01:42

Taka Eskola Portugeza Díli nian, ne'ebé hetan estraga tanba inundasaun sira iha loron-sesta liubá, sei aumenta pelumenus to'o final hosi períudu letivu daruak, anunsia iha loron-sesta ne'e diretor hosi sentru liuhosi komunikadu ne'ebé haruka ba Lusa.


"Eskola Portugeza Díli nian, hasoru dezenvolvimentu hosi serbisu sira limpeza ho rekuperasaun hosi material sira eskola nian, sei taka, ba efeitu sira hosi atividade letivu sira, iha semana oinmai hosi loron 23 to'o 27 Marsu 2020", refere hosi Acácio Brito iha komunikadu.

"Nune'e sei laiha tan atividade letivu prezensial sira iha períudu eskolar daruak. Maibé, profesor sira sei iha disponibilidade hodi apoia alunu sira liuhosi dalan dijital sira liuhosi internet ka, esepsionalmente, iha eskola", nia subliña.

Maski taka, Acácio Brito nota katak avaliasaun períudu "sei hala'o hanesan baibain, sei atribui klasifikasaun sira ba alunu sira".

Tanba ne'e, sei haree "elementu sira ne'ebé rezulta hosi instrumentu sira avaliasaun tomak ne'ebé uza hosi profesor ida-idak to'o momentu loron 13 Marsu nian, hodi konsidera mós karáter kontínuo hosi avaliasaun ba alunu sira".

Iha nota, Acácio Brito esplika katak eskola "sei buka atu laiha alunu ida maka sai prejudika iha nia avaliasaun tanba motivu sira ne'ebé relasiona ho akontesimentu loron 13 Marsu, akontesimentu ne'ebé la permiti ona hodi hala'o atividade letiva sira semana rua ikus hosi períudu daruak nian".

Ekipa profisional sira kontinua iha loron-sesta ne'e iha operasaun sira limpeza nian hosi estraga sira ne'ebé maka inundasaun halo ne'ebé halo ona ema na'in ida mate no afeta ema rihun 10 resin iha suku hamutuk 13 iha Díli.

Estraga sira hosi zona sentral ho leste sidade nian ultrapasa ona dolar millaun 20.

Lusa

 


Comentários

Critério de publicação de comentários