Pájina aktualizada iha 21:25h, kinta-feira 24 Setembru

Covid-19: Ministériu Ensinu Superior timoroan rekomenda hapara atividade semana rua

24 de Março de 2020, 00:08

Ministériu Ensinu Superior timoroan rekomenda ona iha loron-domingu ba universidade tomak iha nasaun laran atu interompe sira nia atividade durante, pelumenus, semana rua, hanesan medida preventivu ba Covid-19.


"Husu ba estabelesimentu tomak hosi ensinu superior, públiku ho privadu sira, atu suspende atividade letiva prezensial tomak no, atu, bainhira bele, buka estratéjia foun sira ka metodolojia sira hosi asegura prosesu ensinu ho aprendizajen nian", refere hosi sirkular ida ne'ebé haruka ba Lusa.

"Husu mós atu kansela atividade tomak ne'ebé promove halibur ema sira/komunidade akadémiku", refere hosi sirkular hodi nota katak medida "sei avalia beibeik no bele prolonga bainhira nesesáriu".

Iha sirkular ne'ebé haruka iha loron-domingu ba Lusa, Ministériu Ensinu Superior, Siénsia ho Kultura (MESCC) esplika katak haree ba rekomendasaun sira relasionadu ho moras no respeita ba autonomia hosi estabelesimentu sira ensinu superior nian.

Desizaun ne'e fó sai hafoin Ministériu Edukasaun, Juventude ho Desportu anunsia hodi taka nível tomak hosi ensinu pré-eskolar to'o sekundáriu no tékniku vokasional iha nasaun tomak durante, pelumenus, semana ida.

Medida ne'e karik bele aumenta tan.

Iha sirkular, MESCC "hatudu preokupasaun maka'as ho pandemia mundial ne'ebé mosu hosi Covid-19, nota katak propagasaun hosi vírus "akontese ho fasilidade maka'as", no espalla lalais iha nasaun 180 resin.

"Iha ona kazu konfirmadu ida iha Timor-Leste no hanesan urjente implementa medida sira ne'ebé bele kontribui ba prevensaun no kontrolu hosi pandemia ne'e", refere.

"Atende ba risku maka'as ne'ebé maka vírus COVID-19 reprezenta ba saúde públika, ita tenki kumpri ho di'ak rekomendasaun sira hosi Ministériu Saúde ho Organizasaun Mundial Saúde nian iha Timor-Leste, hodi ita bele hapara propagasaun hosi vírus ne'e", subliña.

Universidade Nasional Timor Lorosa'e (UNTL) antesipa ona iha semana liubá desizaun ne'e no anunsia ona interupsaun ida hahú hosi loron-segunda iha aula prezensial sira.

Lusa

 


Comentários

Critério de publicação de comentários