Pájina aktualizada iha 13:35h, sesta-feira 07 Agostu

Covid-19: Governu timoroan aprova sosa ekipamentu médiku nian iha Xina

24 de Março de 2020, 01:20

Governu aprova iha loron-segunda ne'e hodi sosa, ba Governu xinés, ai-moruk sira ho ekipamentu médiku hodi fortalese kapasidade hodi ezekutivu hatán ba pandemia Covid-19, bainhira iha de'it kazu konfirmadu ida iha Timor-Leste.


Fidelis Magalhães, ministru Reforma Lejislativu ho Asuntu Parlamentar, esplika ona ba Lusa katak proposta dahuluk ne'ebé ko'alia iha loron-segunda ne'e iha Konsellu Ministru kalkula gastu ida besik dolar millaun 11.

Nia esplika katak valor sei uza no atualizadu tuir ho "nesesidade sira" nasaun nian.

Nia hatete, iha tempu hanesan ezekutivu, liuhosi ministru Negósiu Estranjeiru, Dionísio Babo, iha nafatin kontaktu ho Xina no mós ho nasaun sira hanesan Austrália ho Kuba, hodi avalia posibilidade sira ba apoiu adisional.

Iha kauza maka kestaun sira hanesan ai-moruk sira, ventilador sira no ekipamentu sira seluk saúde nian ne'ebé maka tau hamutuk ho apoiu sira ne'ebé fó ona ne'ebé inklui ekipamentu protesaun pesoal ho ekipamentu ba komprovasaun hosi temperatura iha fatin entrada sira iha nasaun.

"Ha'u serbisu hela ho kontaktu permanente ho ministru Negósiu Estranjeiru hodi diskuti opsaun sira no ha'u hatene katak nia halo hela esforsu maka'as ida no buat hotu sei posível hodi konsege apoiu nesesáriu sira hodi ajuda Timor-Leste hodi sai hosi situasaun ne'e", nia refere.

Rezolusaun hodi sosa material iha Xina ne'e aprova ona iha reuniaun loron-segunda ne'e hosi Konsellu Ministru ne'ebé aprova mós karta ho pedidu deklarasaun estadu emerjénsia nian ne'ebé sei haruka ba Prezidente Repúblika.

Agora daudaun iha kazu konfirmadu ida hosi Covid-19 iha Timor-Leste.

Koronavírus foun, responsável hosi pandemia Covid-19, infeta ona ema rihun 324 resin iha mundu tomak, na'in 14.300 resin mate ona.

Hafoin mosu iha Xina, iha Dezembru, moras ne'e espalla ona iha nasaun ho teritóriu hamutuk 179, halo Organizasaun Mundial Saúde (OMS) deklara ona situasaun ida pandemia nian.

Lusa

 


Comentários

Critério de publicação de comentários