Pájina aktualizada iha 18:07h, kuarta-feira 01 Abril

Covid-19: Nova Zelándia izola populasaun, Austrália halo de'it limiti sira

24 de Março de 2020, 03:37

Nova Zelándia anunsia iha loron-segunda ne'e hodi taka negósiu ho atividade públika sira no izolamentu obrigatóriu hosi populasuan tanba pandemia Covid-19, bainhira Austrália halo de'it limiti sira ba movimentu hosi ema sira maibé la obriga nia izolamentu.


Primeira-ministra Nova Zelándia nian, Jacinda Arden, hatete ona iha loron-segunda ne'e, iha konferénsia imprensa, katak sentru sira atividade nian ne'ebé la importante, inklui eskola sira, restaurante sira ho eventu desportivu sira, sei taka iha oras 48 tuirmai, hodi rekomenda ba populasaun hodi hela iha uma.

"Desizaun sira ne'e reprezenta limitasaun maka'as hosi movimentu ne'ebé aplika ba ema neozelandés sira iha istória moderna", afirma hosi Andern, hodi hatutan katak instalasaun balun sei loke, hanesan supermerkadu sira, farmásia sira ho sentru sira saúde nian.

Nova Zelándia rejista ona iha loron-segunda ne'e kazu foun hamutuk 36 tanba koronavírus, aumentu nune'e ba kazu hamutuk 112, maioria hetan daet iha estranjeiru maski iha suspeitu ba transmisaun lokal balun.

Iha konferénsia imprensa, primeira-ministra alerta ona katak, lahó medida sira ne'e, númeru hosi infetadu sira sei duplika iha kada loron lima, servisu saúde sira sei nakonu ho pasiente sira no "ema neozelandés millaun sanulu resin sei mate".

Iha Austrália, fatin sira konvíviu sosial nian, entretenimentu, desportu ho kultu nian taka ona hahú iha loron-segunda.

Empreza afetadu sira ho orden taka ne'e maka bar sira, klube sira, jináziu sira, sinema sira, kazinu sira, diskoteka sira, fatin kultu sira ka reuniaun relijiozu sira, no seluk tan, haktuir ho anúnsiu ne'ebé fó sai iha loron-domingu kalan hosi primeiru-ministru australianu, Scott Morrison, hafoin hasoru malu ho xefe governu teritorial sira.

Governu australianu indika ona katak serbisu importante sira hanesan supermerkadu, krexe, jardin infánsia sira no eskola sira funsiona nafatin hanesan baibain, maski husik posibilidade atu bele taka bainhira situasaun sai aat.

Pandemia Covid-19 halo ona ema na'in hitu mate iha Austrália no infeta ona ema na'in 1.600 resin.

"Ema australianu sira sei moris ho koronavírus durante pelumenus fulan neen, tuir saida maka sira hatete", Morrison hatete ona iha loron-segunda ne'e iha parlamentu Canberra nian.

"Bele demora tan. Labele taka buat hotu durante semana tolu ka haat atu krizi bele pasa. Laiha solusaun iha prazu badak", nia hatutan.

Iha Nova Zelándia no mós Austrália bandu ona, iha semana liubá, entrada hosi turista estranjeiru sira hodi hamenus aumentu hosi infesaun koronavírus foun ne'e.

Koronavírus foun, responsável hosi pandemia Covid-19, infeta ona ema rihun 341 resin iha mundu tomak, na'in 15.100 resin mate ona.

Hafoin mosu iha Xina, iha Dezembru, moras ne'e espalla ona iha nasaun ho teritóriu hamutuk 179, halo Organizasaun Mundial Saúde (OMS) deklara ona situasaun ida pandemia nian.

Kontinente europeu hanesan fatin ne'ebé agora mosu ona agora daudaun númeru boot hosi kazu sira, ho Itália sai hanesan nasaun iha mundu ho númeru boot hosi vítima mortal sira, ho ema na'in 5.476 mate iha kazu hamutuk 59.138. Tuir autoridade italianu sira, ema infetadu hamutuk 7.024 hetan ona kura.

Xina, la konta ho teritóriu Hong Kong ho Makau, ne'ebé epidemia mosu iha fulan-Dezembru nia rohan, iha total ida kazu nian hamutuk 81.054, no rejista ona mate hamutuk 3.261.

Nasaun sira ne'ebé afetadu liu hafoin Itália ho Xina maka España ho vítima mortal na'in 2.182 iha infesaun hamutuk 33.089, Iraun ho vítima mortal na'in 1,812 iha total hosi kazu hamutuk 23.049, Fransa iha vítima mortal hamutuk 674 (kazu hamutuk 16.018) no Estadus Unidus ho ema na'in 390 mate (iha kazu hamutuk 31.057).

Nasaun oioin hili ona medida estraordináriu sira inklui rejimi kuarentena ho taka fronteira sira.

Lusa

 


Comentários

Critério de publicação de comentários