Pájina aktualizada iha 16:25h, kuarta-feira 01 Abril

Covid-19: Profesora portugeza na'in rua aprezenta kesar iha polísia Timor-Leste nian

25 de Março de 2020, 01:53

Profesora portugeza na'in rua ne'ebé destakadu iha Timor-Leste, iha loron-tersa ne'e, halo ona partisipasaun ida iha Polísia Nasional Timor-Leste (PNTL) nian hosi insidente sira ne'ebé akontese iha final semana ne'e iha transporte públiku ida nia laran iha Baucau, sidade boot daruak iha nasaun.


Fonte polísia sira konfirma ona ba Lusa katak dosente sira ba ona komando PNTL nian iha Díli, iha loron-tersa ne'e, akompaña hosi responsável sira projetu nian ne'ebé maka partisipa no hosi elementu ida hosi Embaixada Portugal nian, tanba pedidu "hosi responsável sira polísia timoroan nian".

Iha partisipasaun, dosente sira esplika katak sira halo hela viajen ida iha mikrolet ida, transporte públiku ne'ebé uza liu iha Timor-Leste, bainhira joven ida kaer profesora ida no hakilar liafuan "korona", antes haksoit sai hosi karreta no halai.

Kazu ne'e la hato'o ba polísia iha Baucau.

Profesora sira relata mós kazu ida ne'ebé hatete katak tuda fatuk ba resintu hosi uma ida ne'ebé maka dosente sira hela ba.

Ikusmai, dosente sira refere mós insidente anterior ida, iha loron 04 Marsu, bainhira iha invazaun hosi fatin ida iha uma hosi profesor ida nian, situasaun ne'ebé maka hato'o ona iha loron hanesan ba polísia iha Baucau ne'ebé maka rejista ona akontesimentu.

Profesor ne'e la ba komando iha Díli iha loron-tersa ne'e.

Lusa husu ona komentáriu sira ba dosente sira iha Baucau ne'ebé hatete katak sira lakohi ko'alia kona-ba kazu sira.

Fonte hosi Ministériu Edukasaun timoroan hatete ona ba Lusa katak prepara hela relatóriu ida kona-ba situasaun.

Kona-ba insidente sira, grupu ida ho profesor na'in sanulu ne'ebé maka destaka iha fatin ne'e hakerek ona ba kordenador sira projetu nian no ba autoridade portugés sira iha Díli no Lisboa hodi hatudu "nia hakarak hodi husu nia repatriamentu lalais hosi Timor-Leste".

Iha komunikasaun ne'ebé maka Lusa iha asesu, profesor na'in sanulu refere ona, entre insidente sira seluk, "tentativa agresaun ida ba profesora ida iha mikrolet".

Hasoru insidente sira ne'e no "sentimentu inseguransa nian" ne'ebé hatudu iha komunikasaun, embaixador Portugal nian iha Díli, José Pedro Machado Vieira, haruka ona atu grupu halo viajen ba Díli no sira to'o ona iha loron-domingu.

Hatán, iha loron-tersa ne'e, kona-ba situasaun, embaixador portugés José Pedro Machado Vieira repete ona deklarasaun anterior sira katak to'o loron-tersa ne'e embaixada laiha rejistu ruma hosi kazu agresaun fíziku ne'ebé akontese ba profesor sira ne'ebé destakadu iha Timor-Leste relasiona ho Covid-19.

Kona-ba desizaun hodi haruka grupu dosente sira ba Díli, diplomata esplika ona katak halo tanba "sentimentu intimidasaun no inseguransa nian ne'ebé maka profesor sira hatudu" maibé la halo "referénsia ruma ba violénsia fízika".

Parte boot hosi profesor na'in 140 ne'ebé destaka iha Timor-Leste iha projetu, hanesan ne'ebé halo parte hosi dosente destakadu sira iha Baucau, husu ona repatriamentu.

Lusa

 


Comentários

Critério de publicação de comentários