Pájina aktualizada iha 06:48h, kinta-feira 03 Jullu

COVID-19: Analista defende katak apoiu sira iha Timor-Leste tenki favorese produsaun lokal

14 de Abril de 2020, 00:19

Analista timoroan ida defende ona katak apoiu ekonómiku sira Governu nian hodi hasoru ho konsekuénsia sira COVID-19 nian tenki aposta iha fortalesimentu hosi produsaun lokal, liuliu iha área agríkola, no hamenus dependénsia hosi importasaun sira.


"Maski situasaun atual bele hamosu problema maka'as ba Timor-Leste, ami bele uza mós situasaun hanesan oportunidade ida hodi hadi'a ho di'ak seguransa alimentar, saúde ho nutrisaun no, iha tempu hanesan, aumenta oportunidade sira serbisu nian no hamenus ami nia dependénsia hosi importasaun sira", konsidera hosi jurista timoroan Avelino Coelho.

"Tanba efeitu multiplikador ekonómiku, dólar ida ne'ebé gasta iha importasaun hosi hahán sira ekivale ba dolar sanulu ne'ebé estraga ne'ebé bele uza hodi aumenta kapasidade produtivu hosi ami nia nasaun", argumenta hosi antigu sekretáriu Estadu hosi Konsellu Ministru sira, iha Governu dalima ho daneen, iha artigu análize ida ne'ebé nia haruka ba Lusa.

Avelino Coelho kestiona impaktu hosi eventual subsídiu sira ba família sira, ne'ebé bele reflete de'it iha konsumu no iha setor retallu nian, lahó efeitu maka'as iha ekonomia lokal, liuliu iha nível produsaun nian.

"Saida maka ami hasoru agora maka falta hosi parte oferta nian, no ne'e ami tenki rezolve. Maski laiha falta hosi hahán importadu sira, tau osan iha família sira nia liman no iha empreza individual sira bele hamosu efeitu kontráriu bainhira parte barak hosi osan ne'e gasta iha hahán importadu sira", nia sustenta.

"Efeitu sei iha de'it iha aumentu hosi símbolu boot esportasaun nian iha ami nia nasaun - dolar amerikanu no agrava ami nia situasaun ekonómiku", nia hatete.

Governu timoroan debate hela pakote boot ida hosi medida ekonómiku sira, ne'ebé seidauk aprova, ne'ebé inklui eventual apoiu diretu sira iha osan ba família sira.

Tanba ne'e, analista insisti katak hanesan importante atu resposta ekonómika aposta iha investimentu estratéjiku "iha produsaun lokal ba hahán sira, ho atensaun prinsipal iha valorizasaun hosi époka plantasaun atual, no haree ba époka ida ne'ebé sei mosu tuirmai".

Hanesan aproveita oportunidade hodi "hapara ho mitu katak Timor labele fó hahán rasik no, liuliu, hodi halakon hanoin ida ba dependénsia hosi foos importadu", nia konsidera.

"Ami tenki hakotu ho mitu katak hanesan susar ba Governu hodi kria serbisu. Ami tenki hakotu ho mitu katak atu sai hanesan sosiedade modernu ida, Timor tenki ignora nia populasaun rural sira no nia agrikultor sira, nia rekursu sira, nia kompeténsia sira no nia koñesimentu sira", nia salienta.

Avelino Coelho nota ona katak kadeia abastesimentu mundial sira, inklui sira ne'ebé ba importasaun alimentasaun nian ba Timor-Leste, sei afetadu nafatin hosi efeitu la direta hosi pandemia COVID-19.

Entre ezemplu sira seluk, nia refere ba posibilidade falta ba disponibilidade hosi importasaun sira foos nian, ne'ebé bele halo atu "impaktu iha seguransa alimentar iha nasaun, iha nível jeral, no, liuliu, iha estadu saúde ho nutrisaun hosi grupu fraku sira hosi populasaun bele sai boot liu duké efeitu sira hosi vírus rasik".

"Haree ba estatístika sira kona-ba saúde ho nutrisaun iha ami nia nasaun, husu ba ema sira atu haan menus ai-han sira la'ós hanesan solusaun di'ak ida. Falta ruma hosi seguransa alimentar bele, hanesan ezemplu, iha efeitu hodi agrava nutrisaun hosi ami nia populasaun no nune'e hamenus nia imunidade hasoru moras, ne'ebé hanesan atualmente importante liu maka ba COVID-19 ho tuberkuloze", nia refere.

To'o agora, Timor-Leste rejista ona kazu haat hosi COVID-19, na'in ida rekupera ona.

Pandemia COVID-19 halo ona ema rihun 112 resin mate no infeta ona ema millaun 1,8 resin iha nasaun ho teritóriu hamutuk 193.

Hafoin mosu iha Xina, iha Dezembru, moras ne'e espalla iha mundu tomak no Estadus Unidus agora sai hanesan nasaun ne'ebé rejista númeru boot hosi vítima mortal (liu rihun 22) no infetadu sira (rihun 555 resin).

Lusa

 


Comentários

Critério de publicação de comentários