Pájina aktualizada iha 06:44h, kinta-feira 03 Jullu

COVID-19: Eskola Portugeza Díli nian sei halo ensinu la prezensial iha tinan letivu tomak

14 de Abril de 2020, 01:56

Eskola Portugeza Díli nian (EPD) sei uza ensinu la prezensial ba tinan letivu tomak, hosi pré-eskolar to'o 12º hodi hatán ba limitasaun ne'ebé hala'o tanba COVID-19, hatete hosi responsável hosi sentru edukativu.


"Aposta maka iha ensinu la prezensial hosi pré-eskolar to'o 12º ano", hatete ba ajénsia Lusa hosi Acácio de Brito ne'ebé fó sai, iha loron-segunda ne'e, planu hodi hala'o hosi eskola ho sede iha Díli no frekuenta hosi alunu rihun resin, maioria ema timoroan.

Acácio de Brito esplika ona katak eskola iha ekipa ida hodi fó apoiu ba alunu sira ne'ebé presiza, inklui tanba susar hodi iha asesu ba ensinu iha distánsia.

No garanti ona katak profesor sira, ne'ebé balun sai temporáriu hosi nasaun, sei akompaña nafatin serbisu hosi alunu sira iha permanénsia.

Planu hosi ensinu la prezensial ba EPD, ne'ebé hahú aplika ona iha loron-tersa, "ajustadu ho adekua ona" ba kontestu lokal.

"Saida maka importante liu agora daudaun maka atu ami nia alunu sira bele iha kontaktu sistemátiku ida ho sira nia profesor sira no serbisu pedagójiku ida ne'ebé permiti iha kontinuasaun real ba sira nia aprendizajen", refere hosi dokumentu ne'ebé maka Lusa iha asesu.

"Konsidera ensinu la prezensial ho susar sira ne'ebé hanesan evidente iha Timor-Leste iha utilizasaun hosi Teknolojia Informasaun ho Komunikasaun nian hanesan importante hodi ami ajusta ami nia atividade sira ba realidade ne'e", nia subliña.

Planu haree ba espesialidade sira hosi tinan sira la termina hosi siklu no lahó ezame sira (tinan eskolaridade hosi 1.º, 2.º 3.º, 5.º, 7.º, 8.º e 10.º), hodi haree katak "sira bele, iha tinan eskolaridade sira tuirmai iha siklu hanesan, rekupera aprendizajen balun ne'ebé la halo iha final hosi tinan letivu prezente ne'e".

Nune'e prefénsia maka tenki fó ba konsolidasaun "hosi konteúdu anterior sira, evita nune'e hodi serbisu konteúdu foun sira ho alunu sira, maibé iha kazu balun bele halo bainhira konsidera hanesan importante".

Ba tinan sira hosi siklu final nian ka iha ezame nasional sira (4.º, 6.º, 9.º. 11.º ho 12.º) tenki konsidera konteúdu tomak "defini iha aprendizajen importante sira hosi disiplina ida-idak, hodi nune'e programa tenki kumpri no alunu sira bele iha kondisaun mínimu sira hodi tranzita ba siklu hosi eskolaridade tuirmai ka hodi halo ezame nasional sira".

Ne'e hanesan liuliu ba kazu iha ezame hosi 11º ho 12º hosi tinan eskolaridade nian, tanba ezame sira hosi 9º ano eskolaridade nian sei la halo iha tinan letivu ne'e.

Planu kalkula planifikasaun global ho kinzenal ida, ne'ebé sei haruka ba alunu sira, ho profesor sira bele hili dalan serbisu nian "ne'ebé sira konsidera adekuadu liu no uza dalan sira ne'ebé sira senti konfortável liu ba serbisu ne'e".

"Objetivu maka atu alunu sira iha duni posibilidade sira hodi serbisu ho profesor sira, halo serbisu sira no prosede ba akizisaun hosi aprendizajen sira", nia refere.

Iha futuru, no bainhira bele, sei iha eventual aula prezensial sira ba de'it alunu sira hosi 11º no 12º eskolaridade nian "no iha disiplina sira ne'ebé hanesan objetivu hosi ezame sira ba asesu ba Ensinu Superior".

Autoridade sira saúde timoroan nian anunsia ona iha loron-segunda ba kazu foun rua ba COVID-19 nian, aumenta nune'e númeru total ba kazu haat hosi ema infetadu sira iha nasaun.

Pasiente na'in tolu iha izolamentu, iha Díli, anunsia hosi diretora-jeral hosi Prestasaun Serbisu sira Saúde timoroan nian, Odete Viegas, hodi rekorda katak pasiente dahaat rekupera ona.

Odete Viegas hatutan katak hosi kazu suspeitu hamutuk 168 iha nasaun, kazu 111 hatudu rezultadu negativu no kazu hamutuk 53 hein hela rezultadu ba teste sira.

Lusa

 


Comentários

Critério de publicação de comentários