Pájina aktualizada iha 07:16h, kinta-feira 03 Jullu

Mate ona médiku Dan Murphy ne'ebé dedika tinan 20 ba ema fraku sira iha Timor-Leste

15 de Abril de 2020, 00:33

Médiku norte-amerikanu Dan Murphy, ne'ebé hahú tinan 1998 trata ona ema sira ne'ebé maka hanesan fraku iha Timor-Leste, mate ona iha loron-tersa ne'e tanba vítima hosi parajen kardíaku, hatete hosi eis-prezidente timoroan, José Ramos-Horta, ba Lusa.


"Ha'u simu notísia ho triste maka'as tanba lakon ema boot ida, hosi misionáriu ida ne'ebé dedika ona tinan 20 resin ba Timor", hatete hosi José Ramos-Horta hodi refere ba fundador hosi klínika Bairro Pite nian, iha Díli.

"Antes Timor, nia iha prezensa iha Mosambike no iha ne'e koñesidu iha Timor tomak nu'udar Dr. Dan", nia rekorda.

Ramos-Horta esplika ona katak médiku, ne'ebé kontinua trata pasiente sira loron-loron, hahú senti ladi'ak durante loron-tersa loraik no mate liutiha oras balun.

Eis-xefe Estadu hatete katak iha fulan hirak ikus ne'e iha hela debate sira kona-ba oinsá halo kontinuasaun ba serbisu klínika nian hodi nune'e permiti atu Dan Murphy bele reforma.

"Iha ekipa foun ida ne'ebé sei kontinua obra ne'ebé sei presiza ema barak. Ne'e hanesan heransa boot hosi Dan Murphy", nia hatutan.

Médiku dedika parte barak hosi nia moris hodi trata pasiente sira iha Mosambike, Laos, Nikarágua no to'o agora iha Timor-Leste, ne'ebé nia fatin moris no mantén serbisu durante tinan intensu hosi konflitu iha 1999 ne'ebé ema timoroan sira hili ona independénsia.

Klínika Bairro Pite simu, loron-loron, pasiente atus resin no Dan Murphy rasik apoia, iha média, partu hamutuk 100 fulan-fulan, ho apoiu ba vítima sira tuberkuloze nian, HIV ho moras sira seluk.

Lusa

 


Comentários

Critério de publicação de comentários