Pájina aktualizada iha 07:12h, kinta-feira 03 Jullu

COVID-19: Timor-Leste rejista tan kazu rua, aumenta númeru ba ema infetadu na'in ualu

15 de Abril de 2020, 18:29

Timor-Leste rejista tan kazu foun rua ba COVID-19, aumenta nune'e númeru infetadu ba na'in ualu iha nasaun, anunsia hosi autoridade timoroan sira iha loron-kuarta ne'e.


Pasiente na'in lima iha hela izolamentu iha Klínika Vera Cruz, iha Díli, anunsia hosi porta-vós hosi Sentru Integradu ba Jestaun Krizi nian (CIGC) hosi COVID-19, Sérgio Lobo.

"Ami husu kalma ba populasaun tomak. Ami husu kalma ba ema hotu ne'ebé maka iha hela kuarentena. Kazu sira ne'e hanesan hosi grupu hanesan ne'ebé tama iha nasaun liuhosi fronteira rai iha loron 01 Abril", nia hatete.

Sérgio Lobo konfirma ona katak entre teste sira ho rezultadu negativu inklui motorista sira ho ajudante sira ne'ebé maka lori grupu entre fronteira ho Díli.

Timor-Leste agora iha kazu konfirmadu ualu ba COVID-19, na'in ida rekupera ona.

Pandemia COVID-19 halo ona ema rihun 126 resin mate no infeta ona ema millaun rua resin iha nasaun ho teritóriu hamutuk 193.

Lusa

 


Comentários

Critério de publicação de comentários