Pájina aktualizada iha 03:54h, kinta-feira 03 Jullu

COVID-19: Autoridade sira desidi aumenta estadu emerjénsia ba loron 30 nia laran

18 de Abril de 2020, 02:53

Iha loron-sesta ne'e, komisaun interministerial Governu nian hodi hasoru ho COVID-19 desidi aumenta ona durante loron 30 nia laran estadu emerjénsia ne'ebé antes halo to'o loron 26 Abril, medida ne'ebé tenki liuhosi Prezidente Repúblika ho Parlamentu.


"Ami aprova ona iha komisaun interministerial pedidu hodi aumenta estadu emerjénsia durante loron 30 tan", hatete hosi Fidelis Magalhães, ministru kordenador interinu ba Asuntu Ekonómiku sira, ba Lusa.

"Desizaun aprova iha loron-sesta ne'e iha komisaun interministerial no agora sei formaliza hosi Konsellu Ministru sira ne'ebé sei halo proposta ida iha sentidu ne'e ba Prezidente Repúblika no sei aprova mós hosi parlamentu", nia refere.

Fidelis Magalhães hatete katak aumentu ne'e aprova ona hafoin "aprezentasaun tékniku ida" kona-ba ameasa hosi COVID-19 no "preparativu sira ho prontidaun nasional" hodi haree ba aumentu hosi kazu sira iha rejiaun.

"Konsidera posibilidade hosi episentru moras nian liu ba rejiaun ne'e no tanba ami seidauk to'o máximu, Governu desidi katak di'ak liu mantén estadu emerjénsia hodi bele antesipa no hamenus efeitu negativu sira", nia afirma.

Governante esplika ona katak Governu maka tenki aprova medida konkretu sira, la konfirma katak sei iha ka la'e aumenta tan medida sira ba medida sira ne'ebé hala'o hela.

"Dekretu estadu emerjénsia nian fó ba Governu marjen ida hodi nune'e, iha tempu ba tempu, bele desidi muda ka aumenta medida sira ne'ebé hala'o daudaun", nia subliña.

Timor-Leste, to'o agora, iha kazu konfirmadu COVID-19 hamutuk 18, na'in ida rekupera ona.

Iha nível global, pandemia COVID-19 halo ona ema rihun 145 mate no infeta ona ema millaun 2,1 resin iha nasaun ho teritóriu sira 193.

Lusa

 


Comentários

Critério de publicação de comentários