Pájina aktualizada iha 07:02h, kinta-feira 03 Jullu

COVID-19: UNICEF entrega ekipamentu médiku ba Timor-Leste hodi kombate moras ne'e

20 de Abril de 2020, 20:01

Fundu ONU nian ba Infánsia (UNICEF), iha loron-segunda ne'e, entrega ona ba Governu konjuntu ida hosi ekipamentu médiku, inklui kama sira, hodi reforsa kondisaun sira hosi sistema saúde nian hodi hatán ba pandemia COVID-19, informa hosi organizasaun.


Material médiku, ne'ebé parte balun sei uza hodi reforsa kondisaun sira hosi fatin izolamentu sira, entrega ona iha loron-segunda ne'e hosi reprezentante UNICEF nian iha Timor-Leste, Valérie Taton, ba diretora-jeral hosi Serbisu Saúde nian, Odete Viegas.

"Ekipamentu ho material médiku ne'e halo parte hosi esforsu sira preparasaun ho resposta, hodi garanti atu labarik sira ho sira nia família simu kuidadu espesializadu sira ne'ebé sira merese bainhira sira afetadu hosi koronavírus", Taton hatete iha serimónia entrega nian.

Material inklui kama médika hamutuk 28, maka haat, armáriu hamutuk 12, karreta ai-moruk sira nian, kadeira roda sira, lensol sira, manta sira ho sumasu sira no mós termómetru inframean sira, ekipamentu hodi fase liman no ekipamentu komunikasaun nian.

Antes, UNICEF oferese ona kontentor rua ne'ebé ekipadu ho ár-kondisionadu, no instalasaun sira bee ho saneamentu ba fatin sira kuarentena nian no atendimentu ba pasiente sira, nune'e mós material divulgasaun kona-ba COVID-19.

Odete Viegas felisita apoiu internasional ne'ebé maka fó hela ba Timor-Leste hodi kombate ba COVID-19, hodi refere katak material sei ajuda hadi'a kondisaun sira iha fatin sira ne'ebé iha relasaun ho kombate ba pandemia.

To'o agora, Timor-Leste rejista ona kazu konfirmadu hamutuk 22 ba COVID-19, entre sira na'in ida rekupera ona.

Iha nível global, pandemia COVID-19 halo ona ema rihun 164 resin mate no infeta ona ema millaun 2,3 resin iha nasaun ho teritóriu hamutuk 193. Pasiente rihun 525 resin maka konsidera hanesan kura ona.

Lusa

 


Comentários

Critério de publicação de comentários