Pájina aktualizada iha 07:28h, kinta-feira 03 Jullu

COVID-19: Governu aprova pedidu ba PR hodi aumenta estadu emerjénsia nian

21 de Abril de 2020, 02:22

Governu aprova ona pedidu ba Prezidente Repúblika hodi aumenta tan ba loron 30 estadu emerjénsia ne'ebé hala'o to'o loron 26 Abril, iha ámbitu hosi medida sira hodi hatán ba COVID-19.


Desizaun hodi aumenta estadu emerjénsia to'o fulan-Maiu nia rohan foti iha reuniaun estraordináriu hosi Konsellu Ministru, ne'ebé akontese iha auditóriu Ministériu Finansa nian iha Díli.

"Nesesidade hodi aumenta estadu emerjénsia halo ho baze iha evolusaun preokupante hosi situasaun epidemiolójiku ho propagasaun hosi kazu rejistadu sira hosi kontájiu COVID-19 nian iha teritóriu nasional no iha nível global, ne'ebé presiza manutensaun hosi aplikasaun ba medida estraordináriu sira ho karáter urjente hodi trava pandemia", informa hosi Governu iha komunikadu ida.

Hanesan ho asaun ne'ebé akontese ona bainhira estadu emerjénsia atual dekreta, Prezidente Repúblika, Francisco Guterres Lu-Olo, agora tenki desidi atu apoia ka la'e medida.

Ne'e presiza rona Konsellu Estadu ho Konsellu Superior Defeza ho Seguransa (CSDS) no hetan fali autorizasaun hosi Parlamentu Nasional.

Ikusmai, no bainhira autoriza aumentu ne'e, Prezidente Repúblika asina dekretu extensaun nian, Governu maka tenki desidi atu mantén medida sira ne'ebé halo daudaun ka atu muda.

Lusa

 


Comentários

Critério de publicação de comentários