Pájina aktualizada iha 06:46h, kinta-feira 03 Jullu

COVID-19: Kazu sira iha Timor-Leste aumenta ba 24, na'in rua rekupera ona

24 de Abril de 2020, 18:58

Autoridade sira saúde timoroan nian anunsia iha loron-sesta ne'e kazu foun ida ba COVID-19, aumenta nune'e númeru total hosi infetadu sira iha nasaun dezde hahú moras ne'e ba 24, inklui na'in rua rekupera ona.


Informasaun atualizadu sira divulga ona hosi porta-vós hosi Sentru Integradu ba Jestaun Krizi nian (CIGC), Sérgio Lobo, iha konferénsia imprensa diáriu iha Sala Situasaun nian, instaladu iha Sentru Konvensaun Díli nian.

"Ami iha tan kazu foun konfirmadu ida no pasiente na'in rua rekupera ona", nia hatete hodi esplika katak kazu pozitivu foun hanesan hosi profisional saúde na'in ida, laiha sintoma no iha izolamentu iha Klínika Vera Cruz.

"Família hosi profisional saúde nian agora iha akompañamentu hosi ekipa vijilánsia epidemiolójiku nian", subliña hosi Sérgio Lobo.

Iha total, autoridade sira halo ona teste hamutuk 392, ho negativu hamutuk 347, entre sira pasiente na'in haat ne'ebé antes konsidera hanesan suspeitu maibé rezultadu foun sira hatudu negativu.

Iha kuarentena, agora daudaun, iha ema hamutuk na'in 409, maior parte iha Díli, entre sira maka profisional saúde sira na'in 23.

Ema hamutuk na'in 1695 maka hakotu ona períudu kuarentena nian.

Lusa

 


Comentários

Critério de publicação de comentários