Pájina aktualizada iha 07:44h, kinta-feira 03 Jullu

COVID-19: Governu lansa serbisu informasaun liuhosi WhatsApp

27 de Abril de 2020, 20:02

Iha findesemana, Ministériu Saúde lansa ona serbisu foun ida liuhosi aplikasaun WhatsApp ho informasaun atualizadu sira kona-ba COVID-19, iha projetu ida ne'ebé dezenvolve ho organizasaun Catalpa International.


Liña apoiu ba COVID-19 nian, iha lian tétun ho lian inglés, dezenvolve mós ho apoiu hosi Organizasaun Mundial Saúde (OMS) no hosi organizasaun Praekelt, oferese "informasaun importante sira, hosi resposta no oportunu ba sidadaun sira durante pandemia COVID-19", haktuir hosi nota ida ne'ebé haruka hosi Ministériu Saúde timoroan nian ba Lusa.

Medida halo parte hosi esforsu sira hosi Ministériu Saúde hodi fó "informasaun oportunu sira, trava boatu sira ho trava notísia falsu sira".

Uza informasaun atualizadu kona-ba informasaun hosi pandemia iha Timor-Leste, serbisu fó sai mós informasaun atualizadu sira hosi OMS kona-ba prevensaun, sintoma, tratamentu, risku sira ho teste sira.

Serbisu fó sai mós notísia relasionadu sira no notísia ida hosi Lusa sai hanesan notísia dahuluk ne'ebé maka divulga iha estreia hosi serbisu ne'e.

Liuhosi mensajen sira iha WhatsApp, utilizador sira sei iha resposta ba pergunta sira ne'ebé mosu beibeik kona-ba "medida preventivu sira no mitu sira ne'ebé relasionadu ho COVID-19".

Hodi ativa serbisu ne'e, haruka de'it liafuan "hello" ba númeru +670 75560000.

Ikusmai, no hodi "sukat impaktu hosi pandemia", sei inklui rekursu adisional foun ida ne'ebé sei rekolla informasaun sira hanesan jéneru, tinan no fatin, nune'e "sei fasilita Ministériu Saúde hodi foti desizaun importante sira kona-ba resposta nasional ba COVID-19".

Serbisu apoia hosi Governu australianu liuhosi programa Partnership for Human Development Program.

Agora daudaun, Timor-Leste iha kazu ativu ba COVID-19 hamutuk 22.

Iha nível global, tuir balansu ida hosi ajénsia notísia AFP, pandemia COVID-19 halo ona ema rihun 204 resin mate no infeta ona ema millaun 2,9 resin iha nasaun ho teritóriu hamutuk 193.

Pasiente besik rihun 800 maka konsidera hanesan kura ona.

Lusa

 


Comentários

Critério de publicação de comentários