Pájina aktualizada iha 15:08h, domingu 09 Agostu

COVID-19: Númeru hosi kazu rekuperadu sira aumenta maka'as sira iha nasaun

30 de Abril de 2020, 22:00

Iha loron-kinta ne'e, Timor-Leste rejista ona aumentu maka'as ida hosi kazu rekuperadu sira ba COVID-19, ba na'in 16, ho teste sira ne'ebé halo ba ema balun ne'ebé maka iha hela izolamentu iha Díli no hatudu negativu.


Sérgio Lobo, porta-vós hosi Sentru Integradu ba Jestaun Krizi nian (CIGC), hatete katak hosi total hosi kazu konfirmadu hamutuk 24 iha nasaun agora iha de'it kazu ativu hamutuk 12.

"Ami iha aumentu boot ida hosi númeru kazu rekuperadu sira, hamutuk tan 10", hatete hosi Sérgio Lobo iha konferénsia imprensa diáriu hosi atualizasaun ba situasaun COVID-19 iha Sentru Konvensaun Díli nian.

Kona-ba profesor portugés na'in rua ne'ebé iha izolamentu hafoin iha teste pozitivu, Sérgio Lobo konfirma ona katak sira iha ona análize dahuluk foun ho rezultadu negativu, hein hela konfirmasaun hosi rezultadu negativu daruak hodi bele hetan alta.

"Sidadaun portugés na'in rua iha ona teste negativu dahuluk", nia hatete.

Iha nível jeral, autoridade sira halo ona teste ba ema na'in 652, na'in 435 iha rezultadu negativu, na'in 193 hein hela rezultadu sira.

Iha kuarentena, iha infraestrutura sira Estadu nian no mós auto izolamentu iha uma, iha ema na'in 374, entre sira maka profisional saúde na'in 40.

Ema na'in 1.775 maka kompleta ona kuarentena.

Hahú hosi loron 24 Abril maka Timor-Leste laiha kazu pozitivu foun.

Lusa

 


Comentários

Critério de publicação de comentários