Pájina aktualizada iha 21:59h, kinta-feira 24 Setembru

Ramos-Horta hatudu "tristeza maka'as" tanba akontesimentu sira iha parlamentu

19 de Maio de 2020, 23:47

Eis-Prezidente Repúblika José Ramos-Horta hatudu, iha loron-tersa ne'e, "tristeza maka'as" tanba akontesimentu sira iha Parlamentu Nasional iha nasaun ne'ebé nia konsidera "la dignifikante" ba deputadu sira no ba órgaun sira soberania nian.


"La dignifikante ba parte sira ne'ebé envolvidu. La dignifika ba deputadu sira no ba parlamentu", afirma hosi José Ramos-Horta iha deklarasaun sira ba Lusa.

"Ha'u senti triste tebes bainhira observa saida maka akontese iha ami nia nasaun, saida maka akontese horseik [loron-segunda] no ohin iha parlamentu", nia konsidera.

La tama iha argumentu sira hosi parte sira, Ramos-Horta hatete katak hanesan "importante tebes" atu la hamosu iha ne'e presedente sira kona-ba oinsá hasai ka hili prezidente parlamentu nian.

"Tenki kuidadu maka'as hodi la kria presedente sira oin´sa hili ka hasai titular ida hosi órgaun soberania nian", subliña.

Ramos-Horta konsidera ona katak, iha momentu ida hanesan atual, Prezidente Repúblika, Francisco Guterres Lu-Olo, bele iha papel ida mediador nian iha situasaun, hodi garanti funsionamentu di'ak hosi instituisaun demokrátiku sira nian.

"Laiha dúvida, hanesan sempre knaar hosi Prezidente Repúblika hodi tenta halo mediasaun, bainhira iha nune'e autoridade moral, kredibilidade hodi halo. Esklaresidu iha konstituisaun nia knaar hodi haree ba funsionamentu di'ak hosi instituisaun demokrátiku sira no tanba ne'e iha dalan oioin, ida maka mediasaun", nia konsidera.

Ramos-Horta ko'alia ba Lusa hafoin Parlamentu Nasional, iha loron-tersa ne'e, hasoru loron ida presedente ho agresaun sira entre deputadu sira, dudu meza sira, hakilar, dudu malu no intervensaun hosi ajente polísia sira.

Tensaun hotu ho polémika destituisaun hosi prezidente Arão Noé Amaral, ne'ebé konsidera ona votu ilegal no anunsia ona rekursu ida ba Tribunal Rekursu.

Eleisaun konta ho apoiu hosi deputadu na'in 36 hosi Fretilin, PLP ho KHUNTO no mós hosi deputadu na'in haat hosi deputadu na'in lima hosi Partidu Demokrátiku (PD), forsa ne'ebé, pelumenus formalmente, iha aliansa ho CNRT.

Lusa

 


Comentários

Critério de publicação de comentários