Pájina aktualizada iha 19:29h, sesta-feira 07 Agostu

Rogério Lobato akuza líder Fretilin nian hodi autoriza distribuisaun arma sira iha 2006

21 de Maio de 2020, 00:20

Eis-ministru Interior Rogério Lobato akuza, iha loron-kuarta ne'e, sekretáriu-jeral Fretilin nian no primeiru-ministru iha tinan 2006, Mari Alkatiri, hodi autoriza distribuisaun arma sira ba ema sivil sira, akuzasaun ne'ebé Alkatiri rejeita.


"Mari Alkatiri hatene no autoriza ona operasaun distribuisaun ba arma sira. Nia hosi beibeik mai ha'u hodi la temi nia naran", Rogério Lobato hakerek iha mensajen ida ne'ebé haruka hosi Londres, ne'ebé nia rekupera hela hosi operasaun ida.

"Tanba direitu ne'ebé maka ha'u iha nu'udar arguidu, ha'u nonook durante julgamentu hodi dame nia naran. Ha'u ko'alia ohin hodi naran dame ne'e! Nia agora hatudu aan hanesan valente, maibé hanesan de'it kobarde ida", hatutan hosi Lobato ne'ebé iha tinan 2006 hetan kondenasaun tanba fó arma ba ema sivil sira.

Iha kauza maka situasaun ne'ebé Timor-Leste hasoru iha 2006, ne'ebé tau primeiru-ministru, iha momentu ne'ebá, Mari Alkatiri ho Lobato rasik iha parte ida no Prezidente Repúblika, iha momentu ne'ebá, Xanana Gusmão, iha parte seluk.

Lobato esplika iha karta loron-kuarta ne'e katak agora fó sai informasaun tanba nia konsidera katak Frente Revolucionária do Timor-Leste Independente (Fretilin) "moras maka'as" no uza hela hosi Mari Alkatiri hodi vinga akontesimentu sira iha tinan 2006.

"Ha'u nia nonook iha julgamentu iha tribunal (iha 2006) hanesan hodi proteje Fretilin, partidu, ema sira hosi partidu. Mari Alkatiri husik ha'u iha momentu ne'ebá", Lobato hakerek.

Obriga hodi hatán ba akuzasaun kona-ba akontesimentu sira iha tinan 2006, Mari Alkatiri rejeita ona akuzasaun hodi afirma katak nia halo ona depoimentu sira kona-ba asaun ne'e iha Ministériu Públiku no iha Tribunal.

"Hanesan simplesmente uza arma antigu sira kontra ha'u, maibé hatudu ona hanesan prova falsu sira. Faktu maka sira laiha ona arma sira seluk no uza hela falsu sira ne'e hasoru ha'u", afirma líder hosi Fretilin.

"Iha momentu ne'ebá, ha'u iha forsa armada hamutuk ho ha'u, tansá maka autoriza operasaun ida ho ema na'in 18? Ha'u la autoriza buat ida", nia hatutan.

Alkatiri hatete katak deklarasaun sira hosi Lobato mosu iha dezesperu tanba "buka hela apoiu sira ba nia situasaun ekonómiku", hodi insisti katak asuntu ne'e klarifika ona iha tribunal.

Iha entrevista ida ba Lusa iha 2015 kona-ba asuntu ne'e, ne'ebé kestiona kona-ba iha autorizasaun hodi arma ema sivil sira, Lobato la halo akuzasaun ruma ba Alkatiri, hodi refere katak nia atua hodi defende Governu ida ne'ebé eleitu demokratikamente.

"Ha'u, nu'udar Ministru Interior, no ho lei subsidiáriu Indonézia nian ne'ebé, iha momentu ne'ebé hala'o hela, fó kbiit sira mai ha'u no ha'u defende Governu ida ne'ebé maka eleitu demokratikamente. Nune'e, ha'u iha kbiit sira ne'e, hodi fó arma", nia afirma iha momentu ne'ebá.

"Ha'u hetan kondenasaun tanba interese ba ONU hodi hetan ema ruma hodi duun, tanba repzentante ONU nian ne'ebé iha ne'e la'ós hanesan ema ekilibradu ida, hanesan ema ida ne'ebé halo jogu hosi parte ida hasoru parte seluk, laiha klaran hodi serve hanesan ponte", nia akuza mós.

Rejeita katak Timor-Leste iha momentu ne'ebá besik tama funu sivil, Lobato hatete katak situasaun ne'ebé hasoru iha momentu ne'ebá - ne'ebé ikusmai hotu ho lakon hosi Governu ne'ebé lidera hosi Mari Alkatiri ho Fretilin - hanesan "makinasaun ne'ebé mai hosi liur".

Iha mensajen loron-kuarta ne'e, Lobato dezafia líder Fretilin nian hodi husik kargu, hodi konsidera katak partidu afetadu hela "ho vírus ida ne'ebé naran Mari Alkatiri, ne'ebé naran vingansa tinan 2006 nian".

"Mari Alkatiri hanesan frustadu, dezde iha momentu ne'ebá. Tempu ne'e, hosi moe ba Timor, ne'ebé ema hotu hanesan ladi'ak, ema hotu lahó esepsaun, hanesan esklaresedor. Mari Alkatiri la'ós ona líder honestu ida no korajozu iha momentu ne'ebá no mós la'ós agora", nia hakerek.

Hatán kona-ba dezafiu ne'e, Mari Alkatiri hatete katak apoiu ba Fretilin "aumenta daudaun" tanba nia lideransa no Lobato hanesan "dook liu hosi saida maka akontese".

Alkatiri hatete katak 2021 hanesan kalendáriu previstu hodi diskuti lideransa Fretilin nian, liuliu bainhira prezidente partidu nian, ne'ebé agora hanesan Prezidente Repúblika, Francisco Guterres Lu-Olo, "labele kandidata fali".

"Ami tenki diskuti ne'e. Maibé ha'u la anunsia ha'u nia kandidatura no mós ha'u nia retirada. Ha'u defende ha'u nia susesu, tanba númeru sira hatudu ona", nia afirma hodi hatutan katak Fretilin "unidu liu duké partidu sira seluk" iha nasaun.

Iha nia testu, Lobato defende ona katak Fretilin tenki serbisu "ba dame, ba dezenvolvimentu nasional, iha vitória hosi konsensu sira, hosi indikador hosi dalan ida ba felisidade ba povu tomak", akuza Alkatiri provoka ambiente ida hosi "tensaun sosial ho sívika" no instabilidade nian.

Komenta insidente sira iha semana ne'e iha parlamentu nasional - maibé la refere ba asaun sira hosi deputadu sira CNRT nian iha insidente sira ne'e, Lobato hatete katak Timor-Leste ohin loron selebra aniversáriu ida restaurasaun independénsia nian "ne'ebé nakonu ho moe".

Lusa

 


Comentários

Critério de publicação de comentários