Pájina aktualizada iha 22:27h, segunda-feira 25 Maiu

Primeiru-Ministru muda fali iha orgánika Governu nian no muda hierarkia ministru sira nian

22 de Maio de 2020, 00:49

Iha loron-kinta ne'e, primeiru-ministru aprezenta ona mudansa oioin ba proposta hosi orgániku ba nia Governu, muda hierarkia hosi ministru sira ne'ebé previstu iha diploma ne'ebé aprova iha semana liubá no haruka ona ba Prezidente Repúblika, anunsia hosi ezekutivu.


Iha komunikadu, Governu esplika katak mudansa prinsipal ne'ebé aprova iha loron-kinta ne'e implika subida ba hierarkia hosi ministru Prezidénsia Konsellu Ministru sira nian (MPCM) ne'ebé agora tama iha pozisaun hafoin xefe Governu no visi-primeiru-ministru foun na'in rua.

Tuir MPCM maka agora iha ministru Kordenador hosi Asuntu Ekonómiku, "hafoin ne'e tuir ministru sira seluk, haktuir hosi estrutura ne'ebé aprova iha semana liubá", refere hosi nota Governu nian.

Aleinde ne'e, ezekutivu aprova mós mudansa ida iha kompeténsia sira ne'ebé fó ba ministru Negósiu Estranjeiru ho Koperasaun, ne'ebé hanesan responsável hodi "organiza, dinamiza ka partisipa iha atividade ruma ne'ebé nesesáriu ba estabelesimentu ho funsionamentu hosi plataforma ida hosi koperasaun ho dezenvolvimentu ekonómiku integradu sub-rejional entre Timor-Leste, Indonézia ho Austrália".

Orgánika foun marka estreia hosi visi-primeiru-ministru foun na'in rua, ne'ebé pasta sei entrega ba elementu sira hosi Frente Revolucionária do Timor-Leste Independente (Fretilin) ho Kmanek Haburas Unidade Nacional Timor Oan (KHUNTO), ne'ebé hamutuk ho Partidu Libertasaun Popular (PLP) apoia agora ezekutivu.

Visi-primeiru-ministru ida - sei okupa hosi naran ida ne'ebé sei aprezenta hosi Fretilin - sei akumula pasta hosi ministru Planu ho Ordenamentu, ne'ebé seidauk hatene narak ida, no ida seluk sei okupa hosi Berta dos Santos, atual prezidente KHUNTO nian, ne'ebé sei akumula ho funsaun atual sira hosi ministra Solidariedade Sosial ho Inkluzaun nian.

Konjuntura polítika foun marka saída formal hosi Congresso Nacional da Reconstrução Timorense (CNRT), Xanana Gusmão nian, hosi ezekutivu no entrada Fretilin nian.

Elenku final hosi ezekutivu seidauk hatene maibé primeiru-ministru aprezenta ona ba Prezidente, iha loron 30 Marsu liubá, lista dahuluk ida hosi naran foun sira ba Governu.

Taur Matan Ruak anunsia antes katak sei tama ba Governu membru foun na'in neen ezekutivu nian, na'in lima hosi Fretilin no na'in ida hosi Partidu Demokrátiku (PD).

Iha loron-kinta ne'e, hafoin reuniaun ida ho Prezidente Repúblika, Taur Matan Ruak hatete ona katak hein hela atu xefe Estadu fó sai tomada pose hosi grupu dahuluk hosi ministru sira ne'e ba ezekutivu no promulgasaun hosi orgánika foun Governu nian.

"Ami hein hela no bainhira señór Prezidente marka loron, ami disponível ba tomada pose", nia afirma.

Kestionadu hosi Lusa kona-ba karik membru atual sira hosi CNRT nian sei kontinua iha Governu, Taur Matan Ruak repete fali katak "iha prinsípiu laiha ema ida maka sei sai, karik tanba forsa boot ruma".

Kona-ba faktu hosi orgánika foun implika, iha prátika, demisaun hosi ministru na'in rua tanba eliminasaun hosi sira nia pasta - Agio Pereira, hosi CNRT ho atual ministru Estadu iha Prezidénsia hosi Konsellu Ministru, ho Fidelis Magalhães, hosi PLP no atual ministru Reforma Lejislativu ho Asuntu Parlamentar nian - Taur Matan Ruak hatete katak kestaun "sei rezolve ho tomada pose hosi membru foun sira".

Iha kauza maka "naran importante sira" Governu nian, inklui Agio Pereira - númeru rua iha hierarkia governativu atual -, ministru Negósiu Estranjeiru Dionísio Babo ho ministra Edukasaun, Juventude ho Desportu, Dulce Soares.

Iha prátika, no bainhira halakon dezignasaun hosi ministru Estadu nian, remodelasaun halakon kargu hosi elementu na'in ida, Agio Pereira, ne'ebé kontinua iha Governu, maskiiha pasta Prezidénsia hosi Konsellu Ministru nian tenki simu fali pose.

Hanesan ezemplu, seidauk klarifika saida maka akontese ho kargu ministru Petróleu nian - fatin ida ne'ebé mamuk - ne'ebé antes lidera interinamente hosi Agio Pereira, ho 'dossiê' ida ho partisipasaun maka'as hosi Xanana Gusmão ne'ebé sei hanesan, formalmente, reprezentante hosi Governu ba negosiasaun hosi fronteira sira nian.

Diploma halakon mós kargu hosi ministru Reforma Lejislativu ho Asuntu Parlamentar sira - ne'ebé agora daudaun okupa hosi Fidelis Magalhães, hosi PLP -, ne'ebé fonte sira hosi ezekutivu admiti katak nia bele okupa funsaun sira hosi ministru Kordenador ba Asuntu Ekonómiku sira ne'ebé nia lidera hela interinamente.

Halakon mós Ministériu Planeamentu ho Investimentu Estratéjiku (MPIE) no sei troka ho Ministériu Planu ho Ordenamentu.

Lusa

 


Comentários

Critério de publicação de comentários