Pájina aktualizada iha 17:55h, sesta-feira 07 Agostu

Eis-prezidente Parlamentu 'entrega' eskritóriu ho karreta sira

21 de Maio de 2020, 22:41

Eis-prezidente Parlamentu Nasional, Arão Noé Amaral, hamamuk ona eskritóriu no entrega ona ba instituisaun karreta sira ne'ebé maka dezigna ba nia, fó nune'e fatin atu bele uza hosi nia susesor, Aniceto Guterres Lopes.


Entrega karreta sira hanesan 'formalizadu' iha loron-kinta ne'e ho Aniceto Guterres, eleitu hosi maioria ida deputadu na'in 40 hosi deputadu na'in 65 iha jornada todan ida iha Parlamentu Nasional iha loron-tersa - marka ho violénsia ho protestu sonoru sira no, iha kazu balun, violentu, hosi deputadu sira hosi Congresso Nacional para a Reconstrução de Timor-Leste (CNRT).

Arão Amaral, hosi CNRT, 'entrega' ona gabinete maski aprezenta ona rekursu ida ba Tribunal Rekursu hodi protesta legalidade hosi nia destituisaun no eleisaun hosi Aniceto Guterres Lopes, hosi Frente Revolucionária do Timor-Leste Independente (Fretilin), forsa polítika boot iha parlamentu.

Ata sira hosi prosesu publika ona iha Jornal Repúblika no Aniceto Guterres Lopes, ne'ebé hatete ba Lusa katak hakarak restaura lalais "normalidade" iha parlamentu, konvoka ona ba loron-kinta ne'e Konferénsia dahuluk hosi Líder sira bankada nian iha semana tolu resin nia laran.

Fonte hosi Parlamentu Nasional konfirma ona ba Lusa katak reuniaun, lidera hosi Aniceto Guterres, hala'o hela lahó partisipasaun hosi bankada sira CNRT nian, partidu daruak, hosi PUDD ho Frente Mudansa/UDT.

Iha reuniaun iha líder sira hosi bankada sira Fretilin, PLP, KHUNTO ho PD ne'ebé entre sira rasik reprezenta deputadu na'in 41 hosi deputadu na'in 65.

Iha loron-kuarta, iha diskursu ida ba tinan 18 hosi restaurasaun independénsia Timor-Leste nian, Prezidente Repúblika Francisco Guterres Lu-Olo konsidera hanesan intolerável atu deputadu sira uza violénsia verbal no fízika kontra deputadu sira seluk.

Lu-Olo konsidera ona katak ohin loron iha maioria ida iha parlamentu ne'ebé garanti estabilidade governativu no Governu daualuk, lidera hosi Taur Matan Ruak, iha kondisaun sira hodi governa to'o tinan 2023.

"Mosu ona maioria parlamentar ida ho partidu polítiku tolu ho fatin iha parlamentu - PLP, KHUNTO ho Fretilin. Maioria ne'e ho deputadu na'in 36 deklara ona nia apoiu ba Governu daualuk no ba primeiru-ministru Taur Matan Ruak", haktuir hosi xefe Estadu.

Lu-Olo afirma katak faktu ne'e "apoia kontinuidade no fó estabilidade" ba Governu atual, fó mós "relevánsia konstitusional ba desizaun polítika hosi Prezidente Repúblika fó konfiansa ba Governu daualuk hodi govern to'o final mandatu iha tinan 2023".

"Ha'u dialoga nafatin ho partidu sira ne'ebé iha fatin iha parlamentu, hodi garanti demokrasia, governabilidade, dame ho estabilidade iha ita nia nasaun iha momentu tomak. Hodi garanti valor sira ho prinsípiu sira ne'e, órgaun soberanu sira hotu tenki respeita konstituisaun ho lei sira ne'ebé hala'o", nia afirma.

Iha loron-kinta ne'e, Taur Matan Ruak hatete ona, hafoin reuniaun ida ho Lu-Olo, katak hein hela Prezidente atu fó sai kona-ba tomada pose ba grupu dahuluk ida hosi ministru sira ba ezekutivu no promulgasaun hosi orgánika foun ezekutivu nian.

"Ami hein hela no bainhira señór Prezidente marka loron, ami disponível ba tomada pose", nia afirma.

Kestionadu hosi Lusa kona-ba karik membru atual sira hosi CNRT nian sei kontinua iha Governu, Taur Matan Ruak repete fali katak "iha prinsípiu laiha ema ida maka sei sai, karik tanba forsa boot ruma".

Kona-ba faktu hosi orgánika foun implika, iha prátika, demisaun hosi ministru na'in rua tanba eliminasaun hosi sira nia pasta - Agio Pereira, hosi CNRT ho atual ministru Estadu iha Prezidénsia hosi Konsellu Ministru, ho Fidelis Magalhães, hosi PLP no atual ministru Reforma Lejislativu ho Asuntu Parlamentar nian - Taur Matan Ruak hatete katak kestaun "sei rezolve ho tomada pose hosi membru foun sira".

To'o agora, primeiru-ministru seidauk fó sai lista final hosi kompozisaun foun ba ezekutivu.

Lusa

 


Comentários

Critério de publicação de comentários