Pájina aktualizada iha 17:53h, sesta-feira 07 Agostu

CNRT la partisipa iha atividade sira parlamentu to'o iha desizaun hosi tribunal

21 de Maio de 2020, 23:42

Congresso Nacional da Reconstrução Timorense (CNRT) sei la partisipa iha atividade parlamentar sira to'o iha desizaun ida hosi Tribunal Rekursu kona-ba legalidade ka la'e hosi eleisaun ba prezidente foun hosi órgaun ne'e, hatete hosi responsável ida partidu nian.


"Ami aprezenta rekursu kona-ba saida maka akontese ba Tribunal Rekursu ho tanba rekursu ne'e iha hela prosesu, ami sei la partisipa iha atividade sira ne'ebé maka prezidente ilegal organiza", hatete hosi xefe bankada CNRT nian, Duarta Nunes, ba Lusa.

"Ami hein desizaun hosi Tribunla Rekursu nian no depois maka ami haree", nia esplika.

Duarte Nunes justifika nune'e tanba partidu, forsa daruak iha parlamentu, la partisipa iha Konferénsia hosi Líder sira hosi bankada sira ne'ebé organiza iha loron-kinta ne'e hosi Aniceto Guterres Lopes, eleitu prezidente iha loron-tersa iha jornada todan ida iha parlamentu.

Eleisaun akontese iha loron daruak hosi loron rua konsekutivu tensaun nian ne'ebé nunka akontese iha Parlamentu Nasional, ho agresaun sira entre deputadu sira, dunu monu meza sira, hakilar, dudu malu ho intervensaun hosi ajente polísia sira.

Loron rua tensaun nian hotu ho destituisaun hosi Arão Noé Amaral, hosi CNRT, nu'udar prezidente Parlamentu Nasional no eleisaun hosi Aniceto Guterres Lopes hanesan nia susesor, hosi maioria deputadu na'in 40 hosi deputadu na'in 65.

Aniceto Guterres Lopes, hosi Frente Revolucionária do Timor-Leste Independente (Fretilin), konvoka ona ba loron-kinta konferénsia ida hosi líder sira- ida dahuluk hosi semana tolu resin nia laran - ne'ebé la partisipa hosi CNRT ho partidu aliadu rua seluk, PUDD ho FM/UDT.

"Hanesan eleisaun ilegal ida. No tanba ami halo ona rekursu ida ba tribunal signifika katak ami tenki hein no respeita desizaun ne'e. Bainhira ami hatama rekursu sira no hafoin ne'e partisipa iha atividade sira, ami buka problema", Duarte Nunes komenta.

Maski konsidera votasaun sira hanesan ilegal, Arão Noé Amaral hamamuk ona nia eskritóriu no entrega ona karreta protokolar sira ne'ebé maka antes nia uza.

Duarte Nunes esplika ona katak Arão Noé Amaral entrega ona karreta sira ba Seksaun Lojístika hodi "laiha problema ho propriedade Estadu nian".

Rekorda katak bankada sira maioria nian ho visi-prezidente sira parlamentu nian aprezenta ona kesar ba Ministériu Públika tanba asaun sira hosi deputadu sira CNRT nian.

Lusa

 


Comentários

Critério de publicação de comentários