Pájina aktualizada iha 22:59h, segunda-feira 25 Maiu

Governu lori proposta foun OJE nian ba 2020 ba parlamentu iha final Jullu

22 de Maio de 2020, 00:13

Iha loron-kinta ne'e, Governu aprova ona iha Konsellu Ministru kalendáriu ba preparasaun hosi Orsamentu Jeral Estadu (OJE) ba tinan 2020, hodi kalkula aprezenta konta públika sira ba parlamentu iha loron 30 Jullu.


Desizaun haree atu testu orsamentu prepara ba diskusaun ho aprezentasaun iha enkontru ida ezekutivu nian iha 22 Jullu.

Tensaun polítika no fratura hosi koligasaun ne'ebé antes apoia Governu atual halo ona xumbu ba Orsamentu Jeral Estadu (OJE) ba tinan 2020, halo nasaun tama iha duodésimu dezde 01 Janeiru.

Governu lidera hosi Taur Matan Ruak agora iha apoiu hosi aliansa maioritáriu foun ida, harii hosi Partidu Libertasaun Popular (PLP), ne'ebé nia lidera - fatin ualu - Frente Revolucionária do Timor-Leste Independente (Fretilin) – fatin 23 – ho Kmanek Haburas Unidade Nacional Timor Oan (KHUNTO) - fatin ualu.

Iha loron-kinta ne'e, Taur Matan Ruak refere ba tensaun ne'ebé marka inísiu semana ne'e iha Parlamentu Nasional no ikusmai hotu ho eleisaun hosi prezidente parlamentu foun, Aniceto Guterres Lopes, hosi Fretilin.

Felisita parlamentu "tanba ultrapasa diferensa sira ho diverjénsia sira ne'ebé iha", Taur Matan Ruak hatete katak hanesan importante fila ba normalidade hosi atividade parlamentar, liuliu tanba kestaun orsamental sira.

"Ha'u apela atu parlamentu estabelese fali normalidade, hodi bele hahú prosesu orsamental. Laiha nasaun ida ne'ebé bele funsiona ho baze iha duodésimu, ami presiza ativa fali ekonomia hodi hatán ba nesesidade sira populasaun nian", nia afirma.

Iha loron-kuarta, iha diskursu ba nasaun, Prezidente Repúblika, Francisco Guterres Lu-Olo, hatete katak maski xumbu hosi proposta inisial, "Konstituisaun RDTL nian sei admiti atu Parlamentu Nasional aprova orsamentu ida no foun ba tinan hanesan".

Nune'e, Lu-Olo hatudu "konfiante atu Governu dauluk hanoin planu ida rekuperasaun sosioekonómiku no katak hahú ona ba preparativu sira hodi elabora Orsamentu Jeral Estadu nian ba tinan ne'e no tinan oinmai".

"Ita hotu iha konsiénsia katak hanesan fundamental hahú fali ita nia ajenda hosi reforma sosioekonómiku hodi ita bele fortalese no halo ita nia ekonomia sai próspera", Lu-Olo afirma.

"Ita nia Estadu labele funsiona nafatin iha rejimi duodésimu. Rejimi duodésimu hanesan rejimi tranzitóriu ida hosi ezekusaun orsamental ne'ebé asegura, iha prazu badak, funsionamentu hosi servisu públiku sira bainhira la aprova Orsamentu Jeral Estadu nian", nia hatete.

Lu-Olo rekorda katak "kresimentu ki'ik hosi ekonomia hatudu enfrakesimentu ekonómiku, nune'e presiza atu iha rekuperasaun ida hodi restaura konfiansa hosi ajente ekonómiku sira".

Xefe Estadu konsidera hanesan importante fó atensaun espesial ba kapital humanu.

Lusa

 


Comentários

Critério de publicação de comentários