Pájina aktualizada iha 18:19h, sesta-feira 07 Agostu

PR Angola reforsa ligasaun ho Timor-Leste iha felisitasaun ba Loron Independénsia

22 de Maio de 2020, 01:06

Prezidente Angola nian, João Lourenço, destaka iha loron-kinta ne'e ligasaun hosi ema angolanu sira ho Timor-Leste iha "luta hasoru domíniu estranjeiru", iha mensajen hosi felisitasaun ba tinan 18 hosi Loron Independénsia hosi nasaun aziátiku nian.


Iha mensajen hosi felisitasaun nian ne'ebé haruka iha loron-kinta ne'e ba Prezidente Timor-Leste nian, Francisco Guterres Lu-Olo, hodi asinala tinan 18 hosi restaurasaun ba independénsia hosi nasaun ne'e, xefe Estadu angolanu lembra ligasaun entre nasaun rua "hosi istória hanesan ida hosi luta hasoru domíniu estranjeiru".

"Ita hatene, tanba ne'e, valor liberdade nian, iha baze ne'ebé maka ha'u espresa dezeju hodi ita realiza esforsu sira hanesan hodi aprofunda lasu sira amizade nian, solidariedade ho koperasaun nian, ne'ebé iha entre ita nia nasaun ho governu rua", João Lourenço realsa.

Prezidente Angola nian fó mós "homenajen ida ba povu timoroan, ne'ebé maka luta maka'as hodi konkista nia dignidade ho soberania".

"[Hanesan] fator inkontornável sira iha prosesu konstrusaun hosi baze sira ne'ebé asenta progresu ho dezenvolvimentu Timor-Leste nian", hatutan nota ne'ebé maka fó sai iha loron-kinta ne'e.

Antiga kolónia portugeza, ne'ebé aneksadu hosi Indonézia iha tinan 1975, luta hasoru domíniu Jakarta nian to'o tinan 1999, bainhira iha referendu ida maioria hosi populasaun hili independénsia no la hili autonomia ne'ebé Governu indonéziu fó.

Hanesan vingansa, milísia armadu pró-indonéziu sira estraga ona kuaze edifísiu tomak hosi teritóriu no hamosu tauk, halo intervensaun hosi forsa internasional ida (INTERFET) ne'ebé maka xefia hosi Austrália.

Timor-Leste administradu hosi reprezentante ida hosi sekretáriu-jeral ONU nian, Sérgio Vieira de Mello, to'o loron 20 Maiu 2002, loron ne'ebé eleitu lokal sira asumi governasaun, konstitui formalmente nasaun foun ida iha mundu.

Lusa

 


Comentários

Critério de publicação de comentários