Pájina aktualizada iha 23:27h, segunda-feira 25 Maiu

COVID-19: Família rihun 310 resin tenki simu apoiu finanseiru hosi Governu

22 de Maio de 2020, 22:55

Família timoroan hamutuk rihun 310 resin sei simu apoiu ida dolar 100 ne'ebé maka aprova hosi Governu hanesan resposta hasoru impaktu sosioekonómiku hosi pandemia COVID-19, haktuir hosi informasaun preliminar sira hosi ezekutivu.


Sei determina hela númeru loloos hosi família sira ho lista hosi benefisiáriu sira, haktuir hosi informasaun hosi diretor jeral hosi Ministériu Solidariedade Sosial ho Inkluzaun (MSSI), Rui Gago Exposto.

Iha kauza maka medida ida hosi medida sira ne'ebé susar atu implementar no ne'ebé hamosu debate maka'as iha Governu, liuliu kona-ba tenki hanesan universal ka la'e no iha kondisaun oinsá maka tenki selu.

Desizaun ikus maka halo pagamentu ida hamutuk dolar 100 ba família sira ne'ebé laiha membru ruma manán liu dolar 500, ho Governu bele aumenta apoiu ne'e durante fulan tolu.

Maibé, liutiha fulan hafoin medida ne'e aprova ofisialmente hosi Governu, no menus hosi semana ida hodi hakotu fulan daruak hosi estadu emerjénsia ne'ebé deklara hodi hatán ba pandemia, medida ne'e seidauk implementa.

Ho ema timoroan barak iha ekonomia informal, komprovasaun hosi rendimentu sira hanesan susar, obriga konstrata baze informasaun sira ne'ebé la hanesan no iha kazu hosi Seguransa Sosial laiha maioria hosi populasaun.

Prosesu hosi verifikasaun informasaun sira ba dala uluk halo hosi Ministériu Administrasaun Estatal (MAE) ne'ebé sentraliza informasaun ne'ebé rekolla iha nível hosi aldeia sira, suku sira, postu administrativu sira ho, ikusmai, iha nível munisipal ho Rejiaun Administrasaun Espesial Oecusse-Ambeno (RAEOA).

Iha faze dahuluk ne'e, no tuir diretor jeral hosi Administrasaun ho Finansa hosi MAE, Hermes Barros, rejista ona total ida hosi família hamutuk 330.448, lista ne'ebé ikusmai haruka ba Ministériu Solidariedade Sosial ho Inkluzaun (MSSI).

Atualizasaun hosi rejistu família sira nian hanesan de'it faze dahuluk hosi prosesu, ho lista ne'ebé agora kruzadu ho baze informasaun tolu: MSSI kompara naran sira ho lista hosi ema sira ne'ebé rejista iha Seguransa Sosial, Ministériu Finansa ho nia rejistu sira ho Ministériu ba Asuntu sira hosi Kombatente hosi Libertasaun Nasional ho lista hosi pensaun sira ba eis-kombatente sira nian.

Objetivu la'ós de'it atu komprova verasidade hosi informasaun rejistu nian maibé, iha tempu hanesan, determina família sira ne'ebé pelumenus membru ida iha rendimentu mensal liu dolar 500, limiti máximu hodi bele simu subsídiu.

Bainhira verifikasaun sira kompleta ona, MSSI sei publika lista rua - ida hosi benefisiáriu sira ho ida ba ema sira ne'ebé sei la simu - ne'ebé sei haruka ba suku sira hodi nune'e bele prosesa pagamentu.

Fonte sira hosi MAE esplika ona ba Lusa katak, agora daudaun, sei halo de'it pagamentu ida hamutuk dolar 100, tanba autoridade sira determina, ho baze iha situasaun iha nasaun, karik iha pagamentu adisional sira to'o máximu pagamentu tolu.

Objetivu maka tenta hahú selu antes final fulan ne'e, iha prosesu ne'ebé susar iha nível lojístika no ne'ebé sei envolve ekipa hamutuk 452 hosi pagamentu ne'ebé konstitui hosi reprezentante sira hosi MSSI, MAE, líder lokal sira ho efetivu sira hosi Polísia Nasional Timor-Leste (PNTL) nian ho Forsa sira Defeza Timor-Leste nian (F-FDTL).

Osan sei transfere ba konta sira suku nian no, depois, ekipa ida-idak maka sei asegura nia entrega ba xefe família nian, iha prosesu fazeadu ne'ebé sei aumenta neineik iha nasaun tomak no sei mobiliza, hanesan ezemplu, parte importante ida hosi parke automóvel Estadu nian.

Agora daudaun, Timor-Leste laiha kazu ativu sira COVID-19 nian.

Lusa

 


Comentários

Critério de publicação de comentários