Pájina aktualizada iha 23:23h, segunda-feira 25 Maiu

COVID-19: Governu aprova apoiu australianu hodi hatán ba pandemia

23 de Maio de 2020, 00:31

Governu timoroan aprova ona iha loron-kinta akordu ida ho Governu australianu kona-ba kontributu finanseiru diretu ida hamutuk dolar australianu millaun hitu hodi apoia nasaun iha rekuperasaun ekonómiku durante pandemia COVID-19.


Projetu deliberasaun, aprezenta hosi ministra interina Finansa nian, Sara Brites, autoriza akordu ba apoiu orsamental diretu australianu nain "ba reziliénsia komunitáriu no ba rekuperasaun ekonómiku iha Timor-Leste durante pandemia COVID-19", haktuir hosi komunikadu.

Iha reuniaun hanesan iha loron-kinta, Governu aprova mós akordu seluk ida ho Organizasaun Internasional Traballu nian (OIT) kona-ba "subvensaun ida iha ámbitu hosi programa hodi hatán ba COVID-19.

Akordu ne'e destina, liuliu, hodi apoia implementasaun hosi "sistema transferénsia apoiu ba família sira ho rendimentu ki'ik".

Akordu, ho folin dolar rihun 748, destina hodi "selu kustu operasional sira hosi implementasaun apoiu nian ba agregadu familiar timoroan sira nian", medida ida ne'ebé aprova hosi Governu hosi apoiu sosioekonómiku hodi hatán ba pandemia.

Iha kuadru ne'e mós, Governu aprova kontratu ida hodi sosa foos tonelada rihun 30 hosi Vietname, aprezenta hosi Komisaun Nasional ba Aprovizionamentu Timor-Leste nian, hosi Ministériu Planeamentu ho Investimentu Estratéjiku no hosi Ministériu Turizmu, Komérsiu ho Indústria.

Sosa ne'e hakarak "reforsa stock foos ne'ebé nasaun iha no hasoru falta ruma durante pandemia COVID-19, Sentru Lojístiku Nasional (CNL), hodi reprezenta Governu Timor-Leste, maka asina kontratu ne'e.

Timor-Leste, ne'ebé agora daudaun laiha kazu ativu ba COVID-19, besik hakotu fulan daruak estadu emerjénsia nian iha semana ida oinmai.

Lusa

 


Comentários

Critério de publicação de comentários