Pájina aktualizada iha 03:56h, kinta-feira 03 Jullu

COVID-19: Semo hodi repatriamentu hosi filipinu sira iha Timor-Leste hein autorizasaun aéreu

23 de Maio de 2020, 01:12

Semo ida hodi tula fila sidadaun filipinu sira ne'ebé hela iha Timor-Leste, ne'ebé tuir loloos sai hosi Díli iha loron-kinta, seidauk sai ba Manila tanba hein hela autorizasaun hodi uza espasu aéreu Indonézia nian, haktuir hosi fonte embaixada nian iha Díli.


Semo, ne'ebé sei tula ema na'in 70 resin, ne'ebé antes ajenda atu to'o iha kapital timoroan iha tuku 13:00 (oras lokal) maibé "sei hein autorizasaun hosi espasu aéreu" hosi viziñu Indonéziu, hatete hosi fonte embaixada nian ba Lusa.

Embaixada Filipina nian iha Timor-Leste esplika, iha nia pájina Facebook, katak hanesan semo charter, A329 charter hosi Pan Pacific Airlines.

Organiza hosi komunidade filipinu ne'ebé maka hela iha Timor-Leste ho apoiu hosi misaun diplomátiku, semo akontese iha momentu ne'ebé maka nasaun laiha kazu ativu ida hosi COVID-19.

Iha semana liubá, ema indonéziu na'in 150 resin ne'ebé serbisu iha Timor-Leste sai hosi Díli iha semo ne'ebé organiza entre sira hodi fila ba nia nasaun tanba, liuliu, impaktu ekonómiku ne'ebé kauza hosi COVID-19.

Iha fulan hirak ikus ne'e, nasaun oioin organiza ona semo repatriamentu ka apoia regresu hosi sira nia sidadaun hosi Timor-Leste, entre sira maka Portugal, Austrália, Estadus Unidus, Japaun ho Koreia-Súl.

Lusa

 


Comentários

Critério de publicação de comentários