Pájina aktualizada iha 07:34h, kinta-feira 03 Jullu

Ministru sira CNRT nian aprezenta demisaun hosi Governu

25 de Maio de 2020, 19:03

Membru sira Governu nian ne'ebé hili hosi CNRT, Xanana Gusmão nian, aprezenta ona demisaun hosi kargu, kumpri nune'e orden sira hosi partidu nian, hatete hosi titular ida iha loron-segunda ne'e.


"Ami hasoru malu ona ho primeiru-ministru no aprezenta ona ami nia demisaun. Konstituisaun defini katak Prezidente Repúblika, ho baze iha proposta ida hosi primeiru-ministru, maka fó pose no hasai membru sira hosi Governu", hatete hosi ministru Negósiu Estranjeiru, Dionísio Babo, ba Lusa.

"Instrusaun hosi partidu sira maka atu membru sira tenki aprezenta nia rezignasaun. Agora ami tenki aruma sasán sira ho dalan dignu no mós entrega pasta ho relatóriu", nia refere.

Babo ko'alia bainhira hakotu reuniaun estraordináriu hosi Konsellu Ministru, ne'ebé hala'o hafoin enkontru ida hosi membru oioin ne'ebé hili hosi Congresso Nacional da Reconstrução Timorense (CNRT) ho primeiru-ministru Taur Matan Ruak.

"Señór primeiru-ministru lamenta ona no hatete katak senti satisfeitu ho ami nia serbisu. Maibé nia hatete katak komprende presaun polítika sira iha partidu ho Governu nia laran", nia afirma.

"Importante maka Governu kontinua funsiona ho dalan demokrátika no ami hein atu tranzisaun ne'e hala'o ho dalan pasífiku no respeita ema tomak. Ami hein atu la kria presedente foun sira ne'ebé la respeita lei", nia konsidera.

Babo hatete katak ministru sira agora hein prosedimentu ikus hosi rezignasaun ba kargu.

Antes reuniaun hosi Konsellu Ministru nian, primeiru-ministru simu iha gabinete membru sira Governu ne'ebé CNRT hili.

Iha enkontru partisipa ona, aleinde ministru Negósiu Estranjeiru, ministru Edukasaun, Juventude ho Desportu, Dulce de Jesus Soares, visi-ministru Administrasaun Estatal, Abílio José Caetano, ho sekretáriu Estadu Koperativu sira nian, Arsénio Pereira da Silva, ho Juventude no Desportu, Nélio Isaac Sarmento.

Iha reuniaun ho primeiru-ministru la partisipa ministru sira seluk ne'ebé maka CNRT hatudu, entre sira maka Agio Pereira, ministru Estadu iha Prezidénsia hosi Konsellu Ministru, ho Sara Brites, ministra interina Finansa nian.

Hafoin ne'e, iha ona Konsellu Ministru, la marka prezenta, entre sira Agio Pereira ho Dulce Soares, Sara Brites maka partisipa de'it.

Saída hosi membru sira ne'ebé CNRT hili desidi ona hosi lideransa partidu nian no fó sai ona ba jornalista sira iha loron-sábadu hosi Xanana Gusmão, prezidente partidu nian.

"Iha loron-segunda, membru sira ne'ebé CNRT hatudu ba Governu daualuk sai hotu, rezigna", Xanana Gusmão hatete hodi esplika katak la'ós sai de'it kuadru sira ho militante sira CNRT nian maibé mós membru sira seluk Governu nian ne'ebé maka partidu hatudu bainhira harii ezekutivu, inklui figura independente sira.

"Iha nível polítika, CNRT la halo ona parte hosi Governu. No hodi la kria konfuzaun, iha loron 25 sira sai hotu", nia esplika.

Primeiru-ministru aprezenta ona lista dahuluk hosi naran sira ba membru foun sira Governu nian, hodi prenxe vaga sira ne'ebé iha, hanesan rezultadu hodi rekuza Prezidente nian hodi la fó pose ba membru sira ne'ebé hili antes.

Frente Revolucionária de Timor-Leste Independente (Fretilin), ne'ebé integra agora aliansa apoiu nian ba Governu Taur Matan Ruak, iha semana ne'e sei desidi naran sira ne'ebé sei destaka ba ezekutivu hodi prenxe kargu sira ne'ebé CNRT husik mamuk.

Lusa

 


Comentários

Critério de publicação de comentários