Pájina aktualizada iha 07:34h, kinta-feira 03 Jullu

Prezidente Repúblika promulga orgánika foun Governu nian ne'ebé hasai ministru na'in rua

25 de Maio de 2020, 19:42

Iha loron-segunda ne'e, Prezidente Repúblika promulga ona orgánika foun hosi Governu daualuk, ne'ebé hasai ministru na'in rua no kria kargu rua hosi visi-primeiru-ministru, muda mós pasta sira seluk, hatete hosi fonte Prezidénsia nian ba Lusa.


"Prezidente asina ona iha loron-segunda ne'e no haruka ona ba publikasaun [iha Jornal Repúblika] orgánika foun", hatete hosi fonte no esplika katak tomada pose hosi membru foun sira Governu nian bele akontese iha semana oinmai.

Mudansa ba orgánika Governu nian - aprova iha loron 14 Maiu no muda iha loron 21 liubá - implika hasai ministru na'in rua, ministru Estadu iha Prezidénsia hosi Konsellu Ministru, Agio Pereira, ho ministru Reforma Lejislativu ho Asuntu Parlamentar, Fidelis Magalhães.

Agio Pereira hanesan membru ida Governu nian ne'ebé maka CNRT hili no ne'ebé maka sai nune'e hosi Governu lahó aprezenta demisaun ne'ebé maka CNRT fó sai tiha ona kona-ba nia elementu sira ezekutivu nian ne'ebé maka partidu hili.

Membru sira seluk CNRT nian aprezenta ona demisaun iha loron-segunda ne'e entre sira maka ministru Negósiu Estranjeiru, Dionísio Babo.

Iha kazu hosi Fidelis Magalhães nian, ne'ebé hanesan membru hosi Partidu Libertasaun Popular (PLP), hosi atual primeiru-ministru, nia saída hosi Governu hanesan temporáriu tanba karik sei simu pose iha kargu foun ida.

Entre mudansa sira seluk, alterasaun ba orgánika halakon kargu hosi ministru Planeamentu ho Investimentu Estratéjiku ne'ebé maka laiha ministru tutela no okupa interinamente hosi Agio Pereira.

Aleinde hosi kargu ba visi-primeiru-ministru na'in rua - ne'ebé sei okupa hosi membru sira hosi partidu rua ne'ebé apoia PLP iha Governu, Revolucionário do Timor-Leste Independente (Fretilin) ho Kmanek Haburas Unidade Nacional Timor Oan (KHUNTO) – orgánika kria mós kargu visi-ministru ba Turizmu Kultural ho Komunitáriu, hosi visi-ministru ba Komérsiu ho Indústria no visi-ministru Interior.

"Ho prezente dekretu-lei, atribuisaun sira iha matéria hosi reforma lejislativu, hosi prosesu lejislativu ho reforma administrativu permanese iha Prezidénsia Konsellu Ministru sira", divulga hosi Governu.

"Ministériu Justisa sei konsentra atribuisaun tomak hosi Governu iha matéria reforma judisiáriu nian", subliña.

Ministériu Planu ho Ordenamentu, ne'ebé troka Ministériu Planeamentu ho Investimentu Estratéjiku nian, "sei hanesan responsável ba atribuisaun governamental sira iha matéria hosi planeamentu no ordenamentu teritorial, Ministériu Obras Públikas la fó ona atribuisaun ruma iha área planeamentu urbanu nian".

Proposta dahuluk hosi orgánika muda ona iha semana liubá, muda hierarkia hosi ministru sira ne'ebé previstu iha diploma inisial.

Mudansa prinsipal iha loron-segunda ne'e implika subida iha hierarkia hosi ministru Prezidénsia hosi Konsellu Ministru (MPCM), ne'ebé agora tuir xefe Governu ho visi-primeiru-ministru na'in rua.

Tuir MPCM maka ministru Kordenador hosi Asuntu Ekonómiku sira, "tuir ministru sira seluk, haktuir hosi estrutura ne'ebé aprova iha semana liubá", refere nota Governu.

Visi-primeiru-ministru ida - ne'ebé sei okupa hosi naran ida ne'ebé sei aprezenta hosi Fretilin - sei akumula pasta hosi ministru Planu ho Ordenamentu, ne'ebé seidauk hatene naran ida, no ida seluk sei okupa hosi Berta dos Santos, atual prezidente KHUNTO nian, ne'ebé sei akumula ho funsaun atual sira hosi ministra Solidariedade Sosial ho Inkluzaun.

Konjuntura polítika foun marka saída formal hosi Congresso Nacional da Reconstrução Timorense (CNRT), Xanana Gusmão nian, hosi ezekutivu ho entrada hosi Fretilin.

Elenku ikus hosi ezekutivu seidauk hatene, maibé primeiru-ministru aprezenta ona ba Prezidente, iha loron 30 Marsu liubá, lista dahuluk hosi naran foun sira ba Governu.

Ho demisaun sira iha loron-segunda ne'e - lista ikus hosi sé maka sai ho sé maka la sai hosi Governu seidauk hatene - Fretilin sei analiza iha loron-kuarta lista foun hosi "naran forte sira" hosi partidu hodi integra iha ezekutivu, hanesan esplika hosi sekretáriu-jeral hosi forsa polítika boot iha nasaun ba Lusa.

Gabinete hosi primeiru-ministru timoroan nian la ko'alia kona-ba mudansa sira ne'e iha Governu, ho xefe Governu halo de'it referénsia parsial sira ba mudansa sira ho exkluzivamente hafoin hosi enkontru semanal sira ho Prezidente Repúblika.

Lusa

 


Comentários

Critério de publicação de comentários