Pájina aktualizada iha 04:00h, kinta-feira 03 Jullu

COVID-19: Fundasaun xineza rua fó ekipamentu ho material protesaun ba Timor-Leste

27 de Maio de 2020, 00:08

Tonelada sira hosi ekipamentu médiku, inklui ventilador sira ho material protesaun pesoal nian, ne'ebé fó hosi fundasaun Jack Ma ho Alibaba, to'o iha Díli iha loron-tersa ne'e, informa hosi Embaixada Xina nian iha Timor-Leste.


Material, transporta ba Díli hosi semo charter ida, inklui ventilador sanulu, termómetru 39 ho konjuntu hosi detesaun ho reajente sira hamutuk rihun lima, hatutan hosi misaun diplomátiku xina iha kapital timoroan.

Iha aviaun 'charter' hosi TRI-MG nian laran, ne'ebé mai hosi Singapura, to'o mós máskara hamutuk rihun 130, luvas médiku nian hamutuk rihun 20, ekipamentu protesaun pesoal rihun lima ho vizeira rihun lima resin.

Oferta hosi fundasaun rua to'o liutiha kuaze fulan ida hosi karegamentu dahuluk ho tonelada hamutuk 15 hosi ekipamentu ho material, ne'ebé Xina fó ba Timor-Leste, hodi apoia kombate ba COVID-19.

Doasaun ne'e hanesan doasaun daruak dezde inísiu hosi pandemia iha Timor-Leste, Xina fó mós ekipamentu protesaun pesoal ho kámara sira hodi sukat temperatura.

"Embaixada sei kontinua tuir nafatin situasaun epidémiku iha Timor-Leste no disponível nafatin hodi disponibiliza tan apoiu bainhira Timor-Leste presiza", haktuir hosi nota ida hosi misaun diplomátiku ne'ebé maka Lusa iha asesu.

Iha nível global, tuir balansu ida hosi ajénsia notísia AFP, pandemia COVID-19 halo ona ema rihun 346 resin mate no infeta ona ema millaun 5,5 resin iha nasaun ho teritóriu hamutuk 196.

Moras ne'e transmiti hosi koronavírus foun ida ne'ebé hetan iha final Dezembru, ha Wuhan sidade ida iha sentru Xina nian.

Lusa

 


Comentários

Critério de publicação de comentários