Pájina aktualizada iha 04:00h, kinta-feira 03 Jullu

COVID-19: Governu prepara pagamentu apoiu nian ba família kuaze rihun 327

27 de Maio de 2020, 00:29

Iha loron-tersa ne'e, Ministériu Solidariedade Sosial ho Inkuzaun (MSSI) entrega ona ba Finansa lista ida ho família sira kuaze rihun 327 ne'ebé sei simu apoiu finanseiru ida hamutuk dolar 200 ne'ebé organiza iha ámbitu hodi hatán ba COVID-19.


Medida, ne'ebé susar liu hosi sira ne'ebé maka Governu fó sai, kalkula apoiu mensal ida hamutuk dolar 100 to'o máximu fulan tolu, pagamentu dahuluk, tanba atrazu iha implementasaun, sei inklui ona fulan rua, haktuir hosi fonte Ministériu Finansa nian ba Lusa.

Lista ikus hosi família benefisiáriu sira - iha total hosi 326.739 - entrega ona, iha loron-tersa ne'e, hosi MSSI hodi nune'e bele prepara ona pagamentu sira, iha prosesu ida ne'ebé sei mobiliza rekursu oioin hosi Governu ho parseiru nasional sira ho internasional sira.

Diretor-jeral MSSI nian hatete iha loron-tersa ba ajénsia notísia timoroan Tatoli katak lista konklui ona no Governu agora sei esforsa hodi aselera pagamentu ne'ebé nia atrazu hamosu krítika sira iha sosiedade.

Nia esplika katak objetivu maka bele hahú pagamentu antes final fulan ne'e, ho fundu sira transfere ba konta sira hosi suku nian no hafoin ne'e maka entrega ba família sira.

Pagamentu to'o ona pontu importante hosi prosesu susar ida ne'ebé obriga atualiza rejistu sira hosi família sira no, iha tempu hanesan, komprova kazu sira ne'ebé laiha membru ida manán liu dolar 500 (limiti máximu hodi simu apoiu).

Prosesu verifikasaun hosi informasaun sira ba dala uluk halo hosi Ministériu Administrasaun Estatal (MAE) ne'ebé sentraliza informasaun rekollidu ba nível aldeia sira, suku sira, postu administrativu sira ho, ikusmai, iha nível munisipal ho Rejiaun Administrasaun Espesial hosi Oecusse-Ambeno (RAEOA).

Iha faze dahuluk ne'e, no tuir diretor jeral hosi Administrasaun ho Finansa hosi MAE, Hermes Barros, rejista ona total ida hosi família hamutuk 330.448, lista ne'ebé ikusmai haruka ba Ministériu Solidariedade Sosial ho Inkluzaun (MSSI).

Lista ne'e kruzadu ho baze informasaun tolu: MSSI kompara naran sira ho lista hosi ema sira ne'ebé rejista iha Seguransa Sosial, Ministériu Finansa ho nia rejistu sira ho Ministériu ba Asuntu sira hosi Kombatente hosi Libertasaun Nasional ho lista hosi pensaun sira ba eis-kombatente sira nian.

Pagamentu rasik hanesan prosesu ida ne'ebé iha nível lojístika kompleksu no sei envolve ekipa hamutuk 452 hosi pagamentu ne'ebé konstitui hosi reprezentante sira hosi MSSI, MAE, líder lokal sira ho efetivu sira hosi Polísia Nasional Timor-Leste (PNTL) nian ho Forsa sira Defeza Timor-Leste nian (F-FDTL).

Agora daudaun, Timor-Leste laiha kazu ativu sira COVID-19 nian.

Lusa

 


Comentários

Critério de publicação de comentários