Pájina aktualizada iha 03:58h, kinta-feira 03 Jullu

Governu hili fali prezidente Komisaun Funsaun Públiku nian

27 de Maio de 2020, 01:21

Iha loron-kuarta Governu hili fali atual prezidente hosi Komisaun Funsaun Públika nian, Faustino Cardono, nune'e implika nia saída hosi lista ida hosi membru sira Governu nian ne'ebé primeiru-ministru hili, haktuir hosi fonte ezekutivu.


Rekondusaun hosi Faustino Cardoso no rekondusaun hosi responsável atual hosi Tradeinvest, organizasaun hosi promosaun ba investimentu iha Timor-Leste, Arcanjo da Silva, hanesan ajenda rua iha ajenda hosi reuniaun Konsellu Ministru nian, hatete hosi fonte sira Governu nian ba Lusa.

Enkontru hala'o iha dadeer antes primeiru-ministru, Taur Matan Ruak, ho membru sira seluk hosi Governu nian partisipa iha debate Parlamentu Nasional nian kona-ba pedidu autorizasaun hosi Prezidente Repúblika hodi prolonga estadu emerjénsia iha nasaun.

Taur Matan Ruak anunsia, iha loron 30 Abril liubá, katak Faustino Cardoso sei sai hanesan ministru foun Administrasaun Estatal nian, no nia naran inklui ona iha lista ida ne'ebé haruka ba Prezidente Repúblika.

Orgániku foun ida hosi Governu, ne'ebé promulga iha loron-segunda hosi prezidente Repúblika, sei publika iha Jornal Repúblika iha loron-kinta, hamutuk ho naran sira hosi grupu dahuluk hosi ministru sira ne'ebé sei simu pose, iha loron-sesta ne'e, haktuir hosi fonte sira ezekutivu no Prezidénsia nian ne'ebé maka ko'alia ho Lusa.

Grupu dahuluk ne'e inklui visi-primeiru-ministru foun ida, Berta dos Santos, ne'ebé sei akumula knaar ne'ebé nia kaer ona, ministra Solidariedade Sosial ho Inkluzaun (MSSI).

Sei simu mós pose ministru foun ida iha Prezidénsia hosi Konsellu Ministru ne'ebé seidauk hatene nia naran.

Lista inklui mós naran sira seluk ne'ebé primeiru-ministru fó sai ona, liuliu ministru Finansa, Fernando Hanjam, Saúde nian, Odete Belo, Agrikultura nian, Pedro Reis (ne'ebé substitui Joaquim dos Reis Martins) - nomeia hosi Frente Revolucionária do Timor-Leste Independente (Fretilin) - no hosi Asuntu Veteranu sira no Antigu Kombatente nian, Meta Malik, hosi Partidu Demokrátiku (PD).

Fonte hosi Fretilin konfirma ona ba Lusa katak pasta foun hosi ministru Administrasaun Estatal sei okupa hosi Miguel Carvalho Pereira, visi-provedor sira hosi Direitu Humanu ho Justisa no ministru Asuntu Parlamentar ho Komunikasaun Sosial nian sei okupa hosi Francisco Jerónimo, eis-deputadu.

Grupu daruak hosi membru sira Governu nian sei simu pose iha semana oinmai.

Kompozisaun hosi Governu sai hanesan asuntu ida ne'ebé analiza iha loron-tersa ne'e iha reuniaun ida entre primeiru-ministru ho sekretáriu-jeral Fretilin nian, Mari Alkatiri.

Lista ikus hosi naran sira ne'ebé Fretilin nomeia sei taka hafoin reuniaun ida hosi Komisaun Polítika Nasional ne'ebé antes marka ba loron-kuarta maibé adia tiha ba loron-kinta tanba debate ba prolongamentu estadu emerjénsia nian.

Rekorda katak kargu oioin iha Governu atual la prenxe dezde inísiu mandatu iha tinan 2018 tanba naran sira ne'ebé hili nunka aseita hosi xefe Estadu, Francisco Guterres Lu-Olo.

Prezidente lakohi fó pose ba membru oioin ne'ebé nomeia hosi Congresso Nacional da Reconstrução Timorense (CNRT), desizaun ne'ebé "karik iha fundamentu hosi ezisténsia ba prosesu-krimi kontra sira ne'ebé pendente iha tribunal sira ka sira laiha perfil dezejadu".

CNRT sai ona formalmente hosi ezekutivu - kria iha sekuénsia hosi vitória iha lejislativu antesipadu hosi Aliansa Mudansa ba Progresu (AMP) iha lejislativu antesipadu sira 2018 nian - ho membru oioin hosi partidu sei iha ezekutivu aprezenta semana ne'e nia demisaun.

Partidu boot iha nasaun, Fretilin, agora iha plataforma entendimentu ida ho Partidu Libertasaun Popular (PLP) hosi primeiru-ministru ho Kmanek Haburas Unidade Nacional Timor Oan (KHUNTO).

Lusa

 


Comentários

Critério de publicação de comentários