Pájina aktualizada iha 13:56h, domingu 09 Agostu

Eis-MNE Zacarias da Costa honradu tanba sai hanesan kandidatu ba sekretáriu-ezekutivu CPLP nian

19 de Junho de 2020, 22:34

Eis-ministru Negósiu Estranjeiru (MNE) Zacarias da Costa hatete iha loron-sesta ne'e katak senti "honradu tebes" tanba nia naran hato'o atu sai nu'udar futuru sekretáriu-ezekutivu hosi Komunidade Nasaun sira Lian Portugeza (CPLP) nian.


"Ha'u senti honradu tebes tanba Governu ho Prezidente Repúblika TL nian hato'o ha'u nia naran ba kargu sekretáriu-ezekutivu", afirma hosi Zacarias da Costa iha deklarasaun badak ida ba Lusa, hahú hosi Nova Iorke.

"Maibé, agora daudaun, ha'u lakohi halo tan komentáriu tanba hanesan de'it kompeténsia hosi xefe Estadu ho Governu no hosi Governu nomeasaun hosi sekretáriu-ezekutivu iha nível sira hosi estatutu organizasaun nian, importa hein ho pasiénsia atu hala'o prosedimentu internu sira", nia hatete.

Eis-xefe diplomasia reaje nune'e hafoin embaixadora Timor-Leste nian iha Lisboa, Isabal Amaral Guterres, konfirma tiha ba Lusa katak Zacarias da Costa hanesan kandidatu ba kargu.

"Ami iha ona naran ida. Señór ministru Dionísio Babo [MNE Timor-Leste nian] hakerek ona karta ida ba nia homólogu sira [hosi CPLP] no naran ne'ebé hato'o maka doutor Zacarias Albano da Costa ne'ebé uluk sai nu'udar ministru Negósiu Estranjeiru" Timor-Leste nian, afirma hosi Isabel Amaral Guterres.

Timor-Leste hanesan nasaun ida ne'ebé agora iha direitu atu hato'o naran ba futuru sekretáriu-ezekutivu CPLP nian, hafoin Portugal.

Diplomata subliña ona katak naran ne'e tenki hetan aprovasaun iha simeira hosi xefe Estadu ho Governu sira CPLP nian, ne'ebé sei halo iha Luanda iha Jullu 2021, no hahú ne'ebé maka antigu MNE timoroan nian sei simu pose.

To'o iha ne'ebá, mantén iha kargu embaixador Francisco Ribeiro Telles, konfirma ona hosi Eurico Monteiro, embaixador Cabo Verde nian iha Portugal, reprezentante hosi nasaun ne'ebé agora daudaun kaer prezidénsia rotativu CPLP nian.

Diplomata portugés no sekretáriu-ezekutivu atual hosi organizasaun, ne'ebé hakotu nia mandatu iha Dezembru 2020, "aseita ona" mantén iha funsaun sira to'o simeira hosi Xefe Estadu ho Governu sira, ne'ebé tuir loloos, hanesan baibain, halo iha Jullu tinan ne'e, maibé tanba pedidu hosi Angola, nasaun anfitriaun, adia ona ba Jullu 2021, hatete hosi embaixador kabu-verdianu, Eurico Monteiro.

Diplomata sira ko'alia ona ba Lusa hafoin reuniaun hosi Komité Konsertasaun Permanente CPLP nian - ne'ebé halibur reprezentante sira hosi Estadu-membru sira -, reuniaun dahuluk ne'ebé halo prezensialmente dezde inísiu hosi pandemia COVID-19.

Ho tinan 56, Zacarias da Costa hanesan lisensiadu iha Humanístika hosi Fakuldade Filozofia hosi Universidade Katólika Portugeza nian, to'o sai nu'udar prezidente hosi Asosiasaun Akadémiku entre tinan 1988 ho 1991.

Ho invazaun indonéziu nian, nia husik Timor-Leste no refujia iha Portugal, nasaun ne'ebé nia kompleta ona estudu sekundáriu sira ho universitáriu sira, no hahú mós nia atividade polítika.

Durante tinan barak sai nu'udar reprezentante hosi Rezisténsia Timoroan nian iha UE, ho baze iha Bruxelas, no reprezenta nia nasaun iha fórum internasional oioin, inklui asembleia-jeral sira ONU nian.

Iha Juñu 2007 eleitu nu'udar deputadu ba Parlamentu Nasional Timor-Leste nian ne'ebé sai hanesan prezidente hosi grupu parlamentar hosi Partidu Sosial Demokrata (PSD). Iha Agostu tinan hanesan, simu pose nu'udar ministru Negósiu Estranjeiru hosi Governu Konstitusional dahaat, kargu ne'ebé nia husik iha Agostu 2012.

CPLP integra Angola, Brazil, Cabo Verde, Guiné-Bissau, Guiné Ekuatorial, Mosambike, Portugal, São Tomé & Prínsipe ho Timor-Leste.

Lusa

 


Comentários

Critério de publicação de comentários