Pájina aktualizada iha 13:36h, domingu 09 Agostu

COVID-19: Pandemia hatudu frajilidade maibé hanesan oportunidade, afirma hosi ministru Finansa

26 de Junho de 2020, 02:01

Pandemia COVID-19 aumenta ona frajilidade sira ho dezigualdade sira ne'ebé Timor-Leste senti tiha ona maibé bele sai hanesan oportunidade ida hodi hadi'a kestaun sira ne'e no hadi'a dezenvolvimentu nasional, hatete hosi ministru Finansa iha loron-kinta ne'e.


"COVID-19 mai aumenta problema balun no disparidade sira ne'ebé iha ona, halo sai klaru tan kestaun sira ne'ebé presiza liu atensaun maka'as", hatete hosi Fernando Hanjam iha mensajen vídeo ida ba reuniaun ida ne'ebé promove hosi ONU iha Nova Iorke.

"Iha kontestu ne'e, ami haree esforsu sira hosi rekuperasaun sosioekonómiku iha prazu naruk hanesan oportunidade ida hodi ko'alia dezafiu balun no dezigualdade sira subsistente ho prioriza investimentu hodi rekonstrui ho di'ak", nia konsidera.

Mensajen ne'e grava hodi aprezenta iha loron-sesta, iha Nova Iorke, iha Recover Better Together Action Fórum, promove hosi ONU hodi analiza dezafiu oioin ne'ebé mundu hasoru iha senáriu hosi pandemia COVID-19.

Enkontru, hosi konviti, pretende, tuir ONU, "ajuda insentiva parseria sira ho finansia nesesidade sira hosi Fundu Recover Better Together", la'ós de'it hodi hatán lalais ba pandemia maibé hodi hanoin "mudansa sira ne'ebé dura kleur".

Sentra iha obtensaun hosi ronda dahuluk ida hosi investimentu sira, fundu hakarak hetan ekipamentu sira ho material médiku hodi hatán ba COVID-19 maibé mós aumenta rede sira seguransa sosial nian, hamenus fosu dijital no harii infraestrutura sira, inklui ba bee ho saneamentu, ba apoiu ba nasaun oioin iha mundu tomak, inklui ba Timor-Leste.

Objetivu global maka konsege apoiu finanseiru hosi dolar biliaun rua, biliaun ida iha fulan sia dahuluk.

Iha kazu Timor-Leste nian, Hanjam subliña katak hanesan importante la'o nafatin ba obsejtivu sira dezenvolvimentu sustentável nian, buka "proteje manán sira hosi dezenvolvimentu" nasaun nian hahú hosi restaurasaun independénsia nian iha tinan 2002.

"Iha atensaun ba ami nia populasaun joven, ami tenki garanti katak ami nia rekuperasaun ho kresimentu ekonómiku hanesan inkluzivu, ekuitativu ho ambientalmente sustentável", nia konsidera.

Hanjam refere ona medida sira prevensaun nian no mitigasaun nian ne'ebé halo iha Timor-Leste, ho apoiu hosi Organizasaun Mundial Saúde (OMS) no parseiru sira seluk, hodi kombate hasoru COVID-19.

Iha nível epidemiolójiku sira, situasaun sai kontroladu - nasaun laiha kazu ativu, pasiente infetadu na'in 24 rekupera tiha ona no laiha kazu ativu durante fulan rua resin -, maibé la akontese hanesan iha nível sosial ho ekonómiku sira.

"COVID-19 hamosu krizi humanu ida ne'ebé afeta seguransa hosi ema moris nian. Moris ho dalan sira subsisténsia nian hosi sira ne'ebé maka kiak no fraku liu, inklui feto sira, joven sira, ema sira ho defisiénsia, ne'ebé maka atinjidu ho forma ne'ebé la hanesan hosi medida limitadu sira ne'ebé maka ami tenki hala'o", nia konsidera.

"Ema barak lakon ona rendimentu sira no balun lakon ona sira nia serbisu, liuliu iha área informal, barak maka hanesan feto sira", nia hatete.

Governu hili ona medida sosioekonómiku sira balun no hanoin hela planu rekuperasaun ida ba tinan tolu ne'ebé "obriga halo eskolla sira" kona-ba diresaun nasional.

Iha nível internasional sira, Hanjam destaka katak pandemia "hamosu ho forma gritante ba interkonektividade global", hatudu katak "dezafiu global sira presiza solusaun global sira", postura ne'ebé maka Timor-Leste defende nafatin.

"Hanesan benefisiáriu ho defensor hosi multilateralizmu, Timor-Leste hein serbisu nafatin hamutuk ho kolaborasaun ONU nian, la'ós de'it hodi rekupera di'ak Timor-Leste maibé mós hodi harii hamutuk mundu di'ak ida", nia konsidera.

Iha mensajen daruak ida ba enkontru hanesan, Brígida Soares, responsável hosi Unidade Planeamentu Monitorizasaun ho Avaliasaun (UPMA), hosi gabinete primeiru-ministru nian, apela ona ba kontinuidade hosi apoiu hosi parseiru internasional sira ba rekuperasaun Timor-Leste nian.

"COVID-19 nia impaktu iha nasaun hanesan maka'as, liuliu iha nível sosioekonómiku sira, iha prazu badak no prazu naruk", nia hatete.

"Governu kria ona komisaun ida ne'ebé sei hanoin planu rekuperasaun ida hodi identifika medida sira ho asaun sira ne'ebé bele sai mata-dalan ba governu iha tinan hirak tuimai ne'e hosi rekuperasaun ekonómiku nian", nia afirma.

Lusa

 


Comentários

Critério de publicação de comentários