Pájina aktualizada iha 07:02h, kinta-feira 03 Jullu

Timor-Leste sei avalia diplomasia pós-COVID-19, reforsa koperasaun, afirma MNE foun

26 de Junho de 2020, 02:48

Ministra Negósiu Estranjeiru foun konsidera importante haree fali prioridade sira hosi diplomasia nian iha kontestu hafoin COVID-19, haree ba reforsu hosi koperasaun bilateral ho multilateral nasaun nian.


"Ami iha Governu nia programa, no ami sei avansa nafatin ho saida maka previstu maibé ami tenki haree fali prioridade sira tanba problema COVID-19 nian obriga haree fali diplomasia hafoin COVID-19", hatete hosi Adaljiza Magno iha deklarasaun sira ba Lusa.

"Ami tenki haree ba koperasaun bilateral no ami hakarak reforsa koperasaun multilateral", nia konsidera.

Adaljiza Magno, ne'ebé simu pose iha loron-kuarta nu'udar ministra Negósiu Estranjeiru ho Koperasaun, hatete ona katak Timor-Leste, hanesan nasaun sira seluk, haree hela ba senáriu sira iha kuadru hosi rekuperasaun pandemia nian.

"Maski hanesan sedu atu hatete saida maka ami sei halo iha nível Ministériu nian maibé ami tenki haree ba futuru hosi diplomasia hafoin COVID-19. Nasaun sira debate hela ne'e", nia refere.

"Hanesan ezemplu, ami tenki haree oinsá kestaun kona-ba adezaun ASEAN nian, relasionamentu ho instituisaun sira seluk no ikusmai, klaru, haree fali koperasaun bilateral. COVID-19 sei hamutuk ho ita iha tempu balun no, tanba ne'e, ita tenki adapta ba ita nia realidade, haree situasaun konkretu nasaun nian no haree saida maka sei akontese no oinsá maka ita bele hatán", nia konsidera.

Magno destaka ona serbisu ne'ebé maka kaer hosi nia antesesor iha kargu dezde 2018, Dionísio Babo, ne'ebé "halo ona serbisu di'ak ida hodi defende Timor" no dezenvolve ona "esforsu boot ida kona-ba adezaun ba ASEAN", hanesan ezemplu.

"Agora ha'u sei analiza buat hotu no haree adaptasaun sira ne'ebé presiza. Maibé sim, ha'u senti agradesida ho serbisu ne'ebé ministru halo ona", nia hatete.

Rekorda katak Prezidente Repúblika timoroan, Francisco Guterres Lu-Olo, fó pose iha loron-kuarta ba membru foun na'in 19 hosi Governu Konstitusional daualuk, sai kompletu nune'e, ba dala uluk dezde hahú mandatu, iha tinan rua liubá.

“Vou agora analisar tudo e ver se adaptações são necessárias. Mas sim, estou agradecida pelo trabalho que o ministro fez”, disse.

Governu iha total ida hamutuk ema na'in 43, na'in tolu asumi liu pasta ida, entre sira maka primeiru-ministru, Taur Matan Ruak, ne'ebé kaer mós tutela Interior nian.

Lista hosi membru foun sira domina hosi entrada hosi Frente Revolucionária do Timor-Leste Independente (Fretilin) iha ezekutivu, maibé inklui mós elementu foun sira hosi partidu sira seluk iha Governu, Partidu Libertasaun Popular (PLP) ho Kmanek Haburas Unidade Nacional Timor Oan (KHUNTO), liuliu partidu ikus ne'e.

Tomada pose akontese hafoin prosesu remodelasaun ida ne'ebé halo hosi xefe Governu, ne'ebé inklui mudansa rua ba lei orgánika, obriga negosiasaun sira ho partidu sira ho pasa hosi mudansa balun hosi naran sira ne'ebé maka hato'o antes.

Remodelasaun akontese iha tempu hanesan ho saída formal hosi Congresso Nacional da Reconstrução Timorense (CNRT) hosi Governu, ho membru oioin hosi partidu ne'e iha ezekutivu husu demisaun iha loron 25 Maiu no Prezidente Repúblika afasta ona sira iha loron-tersa, liutiha kuaze fulan ida.

Dionísio Babo, hosi CNRT, halo parte iha ministru sira ne'ebé maka demitidu.

Lusa

 


Comentários

Critério de publicação de comentários