Pájina aktualizada iha 07:24h, kinta-feira 03 Jullu

COVID-19: Governu tenki evita satisfasaun hasoru risku kontinuadu hosi pandemia

27 de Junho de 2020, 01:53

Responsável ONU nian iha Timor-Leste hatete ona, iha loron-sesta ne'e, katak autoridade sira labele hanesan satisfeitu hasoru risku ne'ebé permanese hosi pandemia COVID-19, hasai gradualmente limitasaun sira ne'ebé hala'o no mantén medida sira vijilánsia saúde nian.


"Ho total hosi kazu sira COVID-19 nian to'o iha millaun 10, númeru hosi vítima mortal sira hakbesik ba rihun 500 no lakon empregu hamutuk millaun 135 resin to'o agora, haktuir hosi Organizasaun Internasional Traballu nian (OIT), nasaun sira hotu presiza garanti atu laiha satisfasaun iha resposta ba pandemia", hatete hosi Roy Trivedy iha deklarasaun sira ba Lusa.

Nia esplika katak hanesan halo "eskolla susar sira kona-ba dalan di'ak hodi proteje saúde hosi sidadaun sira ho garanti atu trava pandemia, iha tempu hanesan apoia ekonomia sira hodi rekupera, ema sira bele fila ba serbisu 'normal' no ba sira nia moris".

Roy Trivedy ko'alia ba Lusa iha loron ne'ebé Timor-Leste hakotu fulan tolu estadu emerjénsia nian tanba COVID-19, ho nasaun lahó kazu ativu sira dezde 15 Maiu no autoridade sira hakarak mantén limitasaun balun, liuliu iha nível fronteira sira nian.

Responsável ONU defende katak hanesan importante atu populasaun kontinua respeita "protokolu sira saúde públika nian no hijiene ne'ebé estabelese iha fulan hirak ikus ne'e, liuliu, fase liman, distansiamentu fíziku, uza máskara sira iha fatin públiku sira no evita akumulasaun maka'as iha fatin izoladu sira".

Trivedy insisti atu autoridade sira kontinua informa nafatin ho dalan transparente kona-ba eventual kazu sira ho teste sira hodi buka halakon medida restritivu sira ho neineik.

"Presiza garanti atu tuir ho rigor medida sira kuarentena ho izolamentu ne'ebé estabelese no, bainhira presiza, instalasaun adisional sira sei estabelese ba kuarentena efetivu ho izolamentu ba posivel kazu foun sira", nia konsidera.

Timor-Leste laiha kazu ativu COVID-19 nian dezde 15 Maiu, ho pasiente pozitivu na'in 24 ne'ebé deteta iha nasaun rekupera ona.

Estadu emerjénsia hotu ona iha tuku 23:59 iha loron-sesta ne'e, oras lokal.

Lusa

 


Comentários

Critério de publicação de comentários