Pájina aktualizada iha 15:40h, domingu 09 Agostu

Governu ezekuta ona besik metade hosi orsamentadu iha semestre dahuluk

29 de Junho de 2020, 23:08

Governu ezekuta de'it 53,2% hosi orsamentadu iha rejimi duodesimal iha fulan neen dahuluk hosi tinan ne'e, haktuir hosi informasaun atualizadu sira hosi Portal Transparénsia hosi Ministériu Finansa nian.


Hahú hosi inísiu tinan ne'e to'o ohin loron, Governu ezekuta dolar millaun 445 resin ka 53,2% hosi total hosi dolar millaun 866 resin ne'ebé maka orsamentadu.

Valor ezekutadu inklui kompromisu hosi dolar millaun 27,62 no obrigasaun sira iha valor dolar millaun 15,98, nune'e total ne'ebé selu duni maka dolar millaun 401,4 de'it.

Entre total orsamentadu iha dolar millaun 150 ne'ebé refere ba Fundu COVID-19, kria hodi hatán hasoru pandemia, ne'ebé nia taxa ezekusaun maka 68,4%.

Informasaun hosi Portal Transparénsia nian hatudu, entre asuntu sira seluk, katak taxa ezekusaun hosi Fundu Infraestrutura maka 26,4% no Fundu hosi Kapital Humanu iha taxa ezekusaun ida hamutuk 29,9%.

Haree katak, la inklui valor sira ne'ebé relasiona ho Fundu COVID-19, total hosi gastu orsamentadu sira iha fulan neen dahuluk tinan nian maka besik dolar millaun 716 ka besik dolar millaun 120 fulan-fulan.

La inklui despeza sira ne'ebé refere ba Fundu COVID-19, despeza sira ne'ebé ezekuta hakbesik ba dolar millaun 347,17 ka média mensal ida hamutuk dolar millaun 57,86.

Lusa

 


Comentários

Critério de publicação de comentários