Pájina aktualizada iha 15:38h, domingu 09 Agostu

COVID-19: Xina aprova vasina ba uzu partikular hosi militar sira

30 de Junho de 2020, 00:43

Iha loron-segunda ne'e, Xina aprova ona vasina ida hasoru koronavírus foun hodi uza de'it iha Ezérsitu Libertasaun Popular nia laran, forsa armada sira nasaun nian, hafoin rezultadu pozitivu sira iha ensaiu klíniku sira.


Vasina kria hosi Institutu Sientífiku Militar ho empreza biofarmaséutika xineza CanSino Biologics, haktuir hosi komunikadu ida hosi empreza ne'ebé iha sede iha sidade portuáriu Tianjin, nordeste Xina nian.

Vasina foun uza klonajen molekular hosi COVID-19, téknika enjenãria jenétika ne'ebé koñesidu ho naran ADN rekombinante, no aprova ona ba "uzu partikular hosi militar" xinés sira, iha 25 Juñu, hosi Komisaun Militar Sentral, haktuir hosi imprensa lokal.

Aprovasaun vale ba tinan ida.

Vasina hosi CanSino pasa hosi faze sira ida no teste rua ne'ebé hatudu ona katak "potensial hodi prevene moras sira ne'ebé hamosu hosi Sars-Cov-2", vírus ne'ebé hamosu COVID-19, haktuir hosi CanSino iha komunikadu.

Kuaze vasina hamutuk 150 ba COVID-19 maka dezenvolve hela hosi sientista sira iha mundu tomak. Kandidatu hitu ba vasina ne'ebé dezenvolve hosi empreza xineza sira iha hela faze sira teste klíniku nian iha Xina.

Lusa

 


Comentários

Critério de publicação de comentários