Pájina aktualizada iha 06:18h, kinta-feira 03 Jullu

Fretilin husu klarifikasaun ba Indonézia kona-ba entrega suspeitu sira ne'ebé kaer iha Timor-Leste

30 de Junho de 2020, 23:04

Iha loron-tersa ne'e, Fretilin husu ona ba Ministériu Públiku atu investiga eis-komandante polísia timoroan no eis-primeiru-ministru Xanana Gusmão iha kazu entrega suspeitu sira tráfiku droga nian ba Indonézia.


"Bankada Fretilin hakarak husu ba Ministériu Públika atu hahú prosesu investigasaun ida ba eis-komandante jeral PNTL nian, Longuinhos Monteiro, no ba eis-primeiru-ministru Xanana Gusmão hodi estabelese faktu sira tansá protesaun ba suspeitu sira", hatete hosi deputadu Francisco Branco iha parlamentu.

"Tansá maka suspeitu na'in lima hanesan importante tebes atu komandante jeral polísia nian no primeiru-ministru fó orden sira ba PNTL hodi proteje sira", nia refere.

Branco refere ba kazu ida ne'ebé akontese iha 2012, bainhira Ministériu Públika akuza diretor hosi Investigasaun Kriminal hosi Polísia Nasional Timor-Leste (PNTL) nian, Calisto Gonzaga, ba abuzu poder ho sekuetru.

Kazu ne'e hetan rekursu oioin, ida ikus maka, ne'ebé Lusa iha asesu, asina iha loron 13 Fevereiru tinan hanesan hosi juís sira Maria Natércia Gusmão, Jacinta Correia da Costa ho Duarte Tilman Soares hosi Tribunal Recursu.

Istória ne'e akontese iha Outubru 2012 bainhira hala'o hela asaun fiskalizasaun ida ne'ebé envolve Servisu sira Investigasaun Kriminal Nasional (SICN) ho Servisu sira Intelijénsia Nasional nian ne'ebé destina hodi kaer mane na'in lima ne'ebé "hanesan suspeitu iha ai-moruk ilegal ho pezu total kilo 6,5" iha hotel rua iha Díli.

Kaer ona durante asaun ne'e sidadaun indonéziu na'in haat no súl-afrikanu na'in ida tanba krimi tráfiku ai-moruk ilegal.

Bainhira prepara hela auto sira detensaun nian, Calistro Gonzaga, ne'ebé iha momentu ne'ebá nu'udar komandante hosi Servisu Investigasaun Kriminal Nasional (SICN) hosi PNTL, haruka ona ajente sira hodi la aprezenta detidu sira ba Ministériu Públiku (PM) maibé aprezenta ba Ajénsia Nasional hosi Narkótiku indonéziu nian (BNN, sigla iha lian indonéziu).

Iha loron 26 Outubru, arguidu halo termu entrega hosi detidu sira ba BNN, akompaña sira to'o Jakarta, haruka atu suspeitu sira "detidu ilegalmente liu oras 72 resin" iha hotel ida iha Díli.

Iha tribunal, Calistro Gonzaga hatete katak simu orden hosi komandante polísia iha momentu ne'ebá, Longuinhos Monteiro, ho primeiru-ministru iha momentu ne'ebá, Xanana Gusmão, "hodi la partisipa faktu sira" no mantén kaer suspeitu sira to'o bele entrega ba autoridade indonéziu sira.

Tribunal Rekursu konsidera katak arguidu hatene sira nia obrigasaun legal sira, inklui aprezentasaun hosi suspeitu sira ba MP, katak labele kaer sira liu oras 72 lahó aprezentasaun ba juís no katak nia asaun "hamosu susar ba Estadu Direitu rasik no kauza prejuízu ba suspeitu sira".

Gonzaga impede ona atu suspeitu sira hetan julgamentu iha Timor-Leste no "halo asaun livre, konsiente ho intensionalmente, hatene di'ak katak nia asaun sira hanesan proibidu no bele hetan kastigu".

Calistro Gonzaga ba dala uluk akuzadu ba krimi ida la partisipasaun, iha autoria material, no abuzu poder, no akuzasaun daruak ikusmai muda ba krimi sekuestru lima.

Antes, Tribunal Díli fó hanesan "la aprovadu" atu Gonzaga simu orden sira hosi Longuinhos Monteiro ho Xanana Gusmão.

Maibé, Tribunal Rekursu sustenta katak, to'o depoimentu sira hosi sira na'in rua, "hatudu klaru katak nia simu ona orden sira hosi sira na'in rua hodi la partisipa faktu sira ne'e ba autoridade judisial sira [timoroan nian] no hodi labele fó sai sira to'o entrega ba BNN Indonézia nian".

Iha nia depoimentu, Xanana Gusmão defende ona arguidu, hodi konfirma orden sira ho esplika ona katak kaptura hosi suspeitu sira akontese ho baze iha informasaun sira ne'ebé simu hosi Indonézia, ne'ebé "husu ona kolaborasaun" hosi Timor-Leste iha detensaun, iha kuadru hosi "operasaun delikadu ida" maibé ikusmai iha "susesu boot ida".

Esplika iha testu katak Gusmão "hatete katak Governu tenta halo asaun ne'e hodi evita ka halakon persepsaun katak nasaun hanesan nasaun ida tráfiku droga nian".

Tribunal ikusmai hamenus kastigu ba kadeia tinan tolu, suspensu durante tinan haat.

Francisco Branco hatete ona katak faktu determinadu sira hosi Tribunal Rekursu husik kestaun oioin ne'ebé presiza klarifika.

"Tansá maka iha momentu ne'ebá komandante PNTL nian ho primeiru-ministru haruka orden sira ba Calisto Gonzaga halo detensaun ilegal ida? No tansá Longuinhos Monteiro ho Xanana Gusmão fó orden hodi subar suspeitu sira hosi sistema judisial Timor-Leste nian?", nia kestiona.

Lusa

 


Comentários

Critério de publicação de comentários