Pájina aktualizada iha 14:36h, domingu 09 Agostu

COVID-19: Relatóriu aponta falta ho susar sira iha kombate hasoru moras iha Timor-Leste

28 de Julho de 2020, 21:53

Kombate hasoru COVID-19 uha Timor-Leste iha susesu hosi empreñu hosi operasional sira ne'ebé envolvidu, maski problema todan sira hosi falta lideransa, falta hosi meiu sira ho konstranjimentu polítiku ho finanseiru sira hodi sosa material sira ne'ebé presiza.


Konkluzaun hanesan hosi relatóriu análize hosi aplikasaun durante fulan tolu hosi estadu emerjénsia iha nasaun tanba pandemia COVID-19, ne'ebé maka Lusa iha asesu no ne'ebé maka sei debate iha loron-tersa ne'e iha Parlamentu Nasional ho prezensa hosi primeiru-ministru ho membru oioin Governu nian.

Ho títulu "Estratéjia boot hodi kombate hasoru SARS-CoV-2 iha Timor-Leste”, dokumentu extensu, ne'ebé maka Lusa iha asesu, rekoñese katak pandemia "hamosu dezafiu boot sira iha área tomak iha sosiedade timoroan nian, liuliu iha nível hosi órgaun sira soberania nian".

Testu prepara hosi Estadu-Maior Kordenador hosi Sala Situasaun hosi Sentru Integradu ba Jestaun Krizi nian (CIGC), estrutura ne'ebé kordena ona resposta hosi autoridade timoroan sira hasoru pandemia, no ne'ebé la ezisti ona hafoin hakotu estadu emerjénsia.

Identifika "kontranjimentu oioin, liuliu iha nível lideransa nian", no "bele haree ba falta hosi kapasidade desizaun hosi parte Ministériu Saúde nian, liuliu iha aspetu sira ne'ebé relasionadu ho proposta sira hodi hetan rekursu sira".

"Defisiente funsionamentu ida, ho objetividade oituan, dependente maka'as hosi vontade polítika sira no la'ós ho vontade hosi profisional sira" ho "rivalidade maka'as ida hosi interese individual sira ho partidáriu sira ne'ebé dalabarak impede prosesu tomak hosi desizaun".

Kona-ba rekursu sira, no aleiden "dependénsia hasoru merkadu externu", identifika mós "konstranjimentu sira iha rezultadu hosi kompromisu sira Ministériu Saúde nian ho Menzeis School" - ne'ebé apoia ona Laboratóriu Nasional - no ne'ebé "kria ona rede dependénsia ida iha Ministériu hodi providensia reajente laboratorial sira no mós tékniku espesializadu sira ne'ebé la transfere esperiénsia no koñesimentu".

Proposta ida hodi sosa ekipamentu sira ba Koreia-Súl, hanesan ezemplu, nunka iha desizaun posterior ho prosesu "paradu" iha Ministériu Saúde "tanba falta vontade ho desizaun apropriadu" ho proposta sira seluk sei hein atu konkretiza.

Relatóriu hato'o pormenor ba medida sira ne'ebé hili iha sekuénsia hosi detesaun, iha loron 21 Marsu, hosi kazu dahuluk hosi moras ne'e iha Timor-Leste, no ne'ebé prolonga durante fulan tolu estadu emerjénsia ne'ebé hotu iha loron 26 Juñu.

Testu hatudu problema oioin ne'ebé sei iha, inklui falta infraesestrutura sira, ekipamentu sira ho ai-moruk sira ne'ebé presiza "hodi hatán ba nesesidade sira hodi kombate hasoru moras".

"Ba kazu partikular hosi prosesu tratamentu hosi kazu sira infesaun nian iha Timor-Leste, ba dala uluk, la rejista inisiativa ruma no laiha infraestrutura ruma ne'ebé adekuadu hodi uza ba finalidade ne'e", konsidera.

"Maski profisional sira saúde nian ho ba pesoal seguransa nian identifika ona falta hosi ekipamentu sira protesaun nian ho hijiene pesoal hodi uza durante prosesu kombate hasoru COVID-19 no laiha ai-moruk ida, laiha desinfentante nesesáriu hodi uza hanesan prevensaun", konsidera.

Falta máskara sira protesaun individual nian no ventilador sira hodi apoia eventual kazu todan sira ho problema respiratóriu, nota mós.

Maski hato'o proposta ba akizisaun hosi rekursu sira ne'ebé presiza, "tanba falta desizaun polítika antes maka la halo akizisaun nesesáriu sira".

Halo susar no to'o la viabiliza, iha kazu balun, akizisaun hosi meiu material sira, iha mós "falta hosi enkuadramentu jurídiku ne'ebé nesesáriu ho klarifikasaun polítika ida, hamutuk ho interpretasaun ne'ebé la hanesan iha aplikasaun hosi sistema finanseiru".

"Aplikasaun hosi Governu ba sistema normal hosi jestaun finanseiru, liuliu iha prosesu hosi aprovizionamentu hosi infraestrutura sira, ekipamentu sira ho ai-moruk sira ne'ebé presiza, identifika ona hosi Sala Situasaun CIGC nian hanesan kauza prinsipal hosi konstranjimentu ne'ebé sente".

"Situasuan esepsional sira presiza medida esepsional sira, no la'ós normal sira ho regra natural sira hosi funsionamentu hosi jestaun finanseiru no akizisaun hosi sasán sira ho serbisu sira. Profisional sira saúde nian, membru sira hosi servisu seguransa sira ho militar sira hosi Forsa Armada, labele depende hosi konkluzaun hosi konkursu ida hosi parte Estadu nian hodi nune'e bele iha posibilidade asesu ba ekipamentu sira protesaun nian", refere.

Relatóriu indika katak autoridade timoroan sira mobiliza kuaze ema rihun 24, entre efetivu sira Estadu nian, militar sira ho polísia sira, iha kombate hasoru pandemia, ho númeru boot (9.800) destaka iha serbisu apoiu hospitalar, administrativu ho lojístiku.

Iha CIGC, iha ema na'in 318, iha sentru sira kuarentena nian no izolamentu iha ema na'in 6.714, iha fronteira sira ho retaguarda munisipal iha ema na'in 6.700 resin no iha patrullamentu hosi fatin públiku iha ema besik na'in 6.500.

Hosi total ida ema na'in 2.181 maka sujeitu ba kuarentena - to'o agora bainhira halo relatóriu - maka identifika ona kazu pozitivu hamutuk 24, na'in tolu hosi "transmisaun lokal", ho teste sira halo ba suspeitu na'in 552.

Hosi ema na'in 24 ne'ebé infetadu, izoladu iha Vera Cruz, "pasiente sira hotu rekupera ona hosi moras, laiha rejistu ba vítima mortal iha Timor-Leste", rekorda hosi testu.

Iha nível finanseiru, relatóriu nota katak kombate hasoru pandemia konta ona ho fundu governamental sira no apoiu hosi parseiru internasional sira.

Relatóriu refere katak Fundu Espesial ne'ebé aprova hosi Governu uza ona dolar millaun 92 (61,4%) hosi total, ho gasta operasional sira hosi Sala Situasaun hamutuk dolar rihun 340 resin no kustu operasional sira ho forsa sira seguransa nian maka dolar millaun 5,4.

Lusa

 


Comentários

Critério de publicação de comentários