Pájina aktualizada iha 14:36h, domingu 09 Agostu

Eskola Portugeza Díli nian inaugura auditóriu foun hodi hanoin inundasaun loron 13 Marsu

29 de Julho de 2020, 00:18

Eskola Portugeza Díli (EPD) nian, hahú loron-segunda ne'e, iha auditóriu foun ida ba ema na'in 80 resin, harii hosi sekuénsia tanba inundasaun sira iha loron 13 Marsu liubá.


Fatin ne'e inaugura ona hos visi-primeiru-ministru timoroan, José Reis, ho embaixador Portugal nian iha Díli, José Pedro Machado Vieira, iha loron ida ne'ebé maka entrega ona sertifikadu sira ba finalista sira hosi 12º ano.

"Imajen sira hosi loron inundasaun nian hanesan xokante, halo ema sira ne'ebé iha Timor-Leste nia laran no iha estranjeiru iha sentimentu tristeza ida no preokupasaun maka'as. Maibé, eventu triste ne'e hamosu mós asaun importante ida no bonitu", lembra hosi José Reis.

"Movimentu ne'ebé akontese kedas, solidariedade no dedikasaun ne'ebé maka hatudu hosi komunidade tomak hosi Eskola Portugeza Díli nian, hahú hosi profesor sira ho funsionáriu sira, aman-inan sira, alunu sira", subliña hosi responsável hodi destaka mós apoiu hosi entidade ofisial sira Estadu nian.

Auditóriu 13 Marsu lembra loron inundasaun nian ne'ebé hamosu ona estraga material todan sira ba instituisaun.

Iha loron 13 Marsu liubá, udan boot ida, asosiadu ho akumulasaun ho falta manutensaun nian, hamosu inundasaun sira iha zona oioin iha sidade Díli. Família rihun resin maka afetadu no estraga material sira avalia ho folin dolar millaun 20 resin.

Inundasaun sira halo metin resintu eskola nian ho tahu, asaun lalais ne'ebé halo hosi profesor sira ho funsionáriu sira evita vítima sira. Limpeza ho rekonstrusaun hosi fatin hahú ona entre Abril ho Juñu.

"Loron triste ida" ne'ebé akontese tanba udan boot maibé mós "tanba falta hosi planeamentu ida no ordenamentu efikaz ho efisiente, rezulta hosi konstrusaun sira ne'ebé halo lahó estudu klean sira ho la respeita padraun sira", salienta hosi José Reis.

"Governu dedikadu hodi hadi'a falta ne'e, hodi elabora planu ordenamentu ida ba teritóriu nasional, hodi nune'e iha futuru dezastre sira hanesan ne'e bele iha impaktu oituan, la'ós de'it iha Díli maibé mós iha área sira seluk iha Timor-Leste ne'ebé maka afetadu hela", nia hatete.

José Reis lembra ona katak rekuperasaun hosi eskola ho konstrusaun hosi auditóriu hanesan marka ida iha instituisaun, ne'ebé harii iha 2002, "hanesan resposta ba nesesidade ezistente ida iha Timor-Leste hodi afirma vontade hosi ema timoroan sira nian hodi halo Lian Portugeza hanesan lian ofisial ida" nasaun nian.

"Ami hili Lian Portugeza hanesan Lian Nasional Timor-Leste nian" no eskolla ne'e hanesan fator determinante ida ba Independénsia ho soberania Timor-Leste nian, Reis hatete hodi lembra liafuan sira hosi antigu Prezidente timoroan Nicolau Lobato.

Harii iha tinan hanesan hosi restaurasaun independénsia nian, EPD saihanesan "sentru forte ida hosi formasaun ne'ebé liu ona labarik timoroan barak", nia hatete. Kuaze totalidade hosi alunu rihun resin hosi EPD hanesan ema timoroan sira.

Fatin ida ne'ebé permiti formasaun iha portugés maibé mós oferese "ensinu ida ho kualidade ne'ebé prepara alunu sira hodi kompete iha Timor-Leste laran no estranjeiru", nia hatutan.

Iha okaziaun hanesan, embaixador Portugal iha Díli subliña esforsu hosi profesor sira ho funsionáriu sira hodi rekupera fatin eskola nian, "instituisaun referénsia ida ba Portugal" iha Timor-Leste.

"Kriasaun hosi fatin ne'e hatudu, dala ida tan, kompromisu ho aposta hosi Eskola Portugeza hodi fornese formasaun diversifikadu ida ba nia alunu sira, reforsa vertente hosi edukasaun abranjente ne'ebé maka Eskola iha orgullu hodi oferese", hatete hosi José Pedro Machado Vieira.

Dezigna espasu foun 'Auditóriu 13 Marsu' permiti marka "momentu dramátiku' ne'ebé maka hasoru maibé mós "fó homenajen justu ida ba ema hotu ne'ebé, iha loron triste loraik ne'e, iha asaun, korajen ho determinasaun hodi evita lakon sira ne'ebé la'ós material".

"Maski iha tempu susar sira, hanesan iha kontestu pandémiku, ho restruturasaun hosi Eskola iah futuru, hanesan inkrível observa katak, aleinde mediador, fasilitador ho artikulador hosi koñesimemtu, knaar profesor nian mós sei renova; hanesan mós kriativu ida, artista ida hosi estratéjia sira ensinu nian ne'ebé presiza prosesa senáriu foun sira ho reformula métodu sira iha momentu ruma, kualidade fundamental sira iha époka hanesan ne'e", nia destaka.

"Hanesan louva mós espíritu reziliénsia nian ho kapasidade lideransa nian ne'ebé permiti ona rekonstrusaun lalais hosi Eskola, presiza hafoin inundasaun sira iha loron 13 Marsu liubá. Envolvimentu hosi dosente sira, hosi auxiliar sira, hosi aman-inan sira ho enkaregadu edukasaun nian, nune'e mós hosi komunidade hanesan importante hodi nune'e ohin loron ita bele hamutuk iha ne'e", nia subliña.

Lusa

 


Comentários

Critério de publicação de comentários