Pájina aktualizada iha 15:12h, domingu 09 Agostu

COVID-19: Governu timoroan estuda opsaun sira ba regresu hosi profesor portugés sira

29 de Julho de 2020, 01:29

Governu timoroan estuda hela opsaun sira hodi permiti regresu hosi profesor portugés sira ne'ebé sai hosi nasaun iha abril, tanba COVID-19, ba Timor-Leste, hatete hosi visi-primeiru-ministru ba Lusa.


"Ministra Negósiu Estranjeiru ho Interior kordena hela atu nune'e bele halo preparasaun ba regresu hosi profesor sira ba Timor-Leste", José Reis hatete ba Lusa.

Iha kauza maka profesor na'in 50 resin hosi Eskola Portugeza Díli nian no kuaze na'in 90 ne'ebé destakadu iha Sentru Aprendizajen ho Formasaun Eskolar (CAFE) ne'ebé sai hosi Timor-Leste, iha inísiu Abril no ne'ebé, tanba limitasaun sira iha viajen sira ba Díli, seidauk bele fila.

José Reis ko'alia ba Lusa bainhira hakotu inaugurasaun hosi Auditóriu 13 Marsu, fatin foun hosi Eskola Portugeza Díli nian, ne'ebé rekorda loron hosi inundasaun sira ne'ebé tinan ne'e hamosu estraga maka'as ba material sira iha instituisaun.

Prezidente hosi Eskola Portugeza Díli nian, Acácio de Brito, hatete ba Lusa katak "hanesan imposível hahú aula sira iha Setembru bainhira profesor sira la mai" Timor-Leste.

"Ami iha kondisaun sira hodi hahú, maibé falta rekursu ema sira nian. Ami konsege tau profesor sira iha semo komersial sira iha Kuala Lumpur maibé depois problema maka mai Díli", nia afirma.

"Ha'u iha serteza katak hanesan responsabilidade hosi organizmu ofisial sira Timor-Leste nian hodi permiti atu bele iha ligasaun área komersial balun ne'ebé permiti lori profesor sira ne'ebé bainhira to'o sei kumpri regra tomak izolamentu nian no seluk tan", nia hatete.

Iha kazu CAFE nian, eskola sira hosi sistema públiku timoroan nian, aula sira hahú ona - tinan letivu iha kalendáriu ida ne'ebé la hanesan ho portugés -, maibé laiha profesor sufisiente no horáriu letivu, iha sentru barak, tenki hamenus liu.

Problema prinsipal iha relasaun ho ligasaun sira ba Díli, tanba iha semo komersial sira ba sidade sira iha rejiaun hanesan Kuala Lumpur ka Singapura, maibé bandu nafatin semo komersial sira ho 'charter sira' hosi no ba Timor-Leste.

Maski bandu ne'e, sidadaun sira hosi nasaun oioin konsege tama, iha semana hirak ikus ne'e, iha Díli, liuliu hosi Austrália iha semo sira hahú hosi Darwin, aleinde semo ida hosi Programa Alimentar Mundial ne'ebé halo viajen hosi Kuala Lumpur, iha Malázia.

Semo ikus ne'e maka uza ona hosi ema portugés sira ne'ebé destakadu iha projetu sira koperasaun nian hosi Camões-Institutu Koperasaun ho Lian nian, hodi to'o iha Kuala Lumpur iha semo komersial sira, hodi nune'e kumpri "kritériu ezijente sira" hosi PAM, hodi halo viajen iha semo ba Díli.

Aleinde profesor sira, iha ema portugés sira ne'ebé la konsege fila ba Timor-Leste, ne'ebé rezidi ho serbisu, ka la konsege sai hosi nasaun.

Acácio de Brito admiti ona katak problema seluk ida maka "tenki rezolve" maka matríkula sira iha universidade hosi estudante sira ne'ebé hakotu ona 12ºano, prosesu ne'ebé dalabarak presiza prezensa hosi alunu sira.

"Ami aprezenta ona ba servisu sira situasaun ne'ebé ami hasoru ho ami antesipa atu iha solusaun ida tanba laiha posibilidade real atu ema sira marka prezensa ba matríkula", nia hatete.

Timor-Leste agora daudaun laiha kazu ativu hosi COVID-19, hafoin rejista tiha kazu hamutuk 24, hakotu fulan datoluk hosi estadu emerjénsia iha 27 Juñu maibé nasaun sei taka nafatin liuliu kona-ba ligasaun aéreu sira.

Pandemia COVID-19 halo ona ema rihun 654 resin mate no infeta ona ema millaun 16,5 iha nasaun ho teritóriu hamutuk 196, haktuir balansu ida ne'ebé halo hosi ajénsia franseza AFP.

Lusa

 


Comentários

Critério de publicação de comentários