Pájina aktualizada iha 15:44h, domingu 09 Agostu

Medida ekonómiku sira Governu nian inklui estratéjia revitalizasaun nian

30 de Julho de 2020, 01:31

Medida ekonómiku sira ba prazu badak ne'ebé aprova iha loron-kuarta ne'e hosi Governu hodi hatán ba efeitu sira hosi COVID-19 nian, halo parte iha estratéjia alargadu ida, ne'ebé sei kontinua iha tinan hirak tuirmai, hodi revitaliza no estimula ekonomia nasional, hatete hosi membru ida Governu nian.


Fidelis Magalhães, ministru Prezidénsia hosi Konsellu Ministru nian (PCM) no porta-vós hosi Governu, hatete ona ba Lusa katak medida sira, relasionadu ho faze ida "rekuperasuan" ekonomia nian, mosu iha sekuénsia hosi medida sira ne'ebé hili to'o agora ba estabilizasaun ekonómiku.

"Ami atua ona ho medida hamutuk 18 iha área intervensaun neen, iha faze dahuluk hosi estabilizasaun no ami agora tama iha faze seluk ida, rekuperasaun nian, ne'ebé hahú ho medida sira ne'ebé implementa to'o tinan ne'e nia rohan", nia esplika ba Lusa.

Governante ko'alia ba Lusa hafoin Konsellu Ministru aprova tiha medida haat, aplika to'o Dezembru, hosi apoiu ba empreza sira, família sira ho traballador sira hosi área informal hodi hamenus impaktu sira hosi krizi ekonómiku ne'ebé hamosu hosi pandemia COVID-19 nian.

Medida sira, ne'ebé halo parte iha Planu Rekuperasaun Ekonómika, destina hodi "apoia satisfasaun hosi nesesidade báziku sira hosi sidadaun sira, apoia traballador sira hosi área informal, mantén postu servisu sira ho rendimentu sira no mantén empreza sira iha merkadu", haktuir Governu iha komunikadu.

Pakote global ida - ne'ebé prepara hela hosi komisaun ida ne'ebé kria hosi Governu no lidera hosi eis-ministru Finansa, Rui Gomes - sei aprezenta iha semana oinmai iha inísiu hosi Jornada Orsamental sira hosi preparasaun ba konta públika sira ba tinan ne'e.

Hafoin aprovasaun polítika hosi Konsellu Ministru sira hosi medida haat ne'ebé fó sai iha loron-kuarta ne'e, Magalhães hatete ona katak PCM sei hasoru malu ho Ministériu sira ne'ebé envolvidu hodi avalia implementasaun hosi asaun sira ne'ebé foti ona, inklui apoiu diretu ba família sira no ba empregu, subsídiu eletrisidade nian no moratória kréditu nian, no seluk tan.

"Ami sei analiza implementasaun hosi medida sira ne'ebé foti ona to'o agora, haree sei iha nesesidade hodi para inisiativa ruma, hodi evita atu iha duplikasaun, defini faze rua, maibé garanti koneksaun entre faze rua ne'e", nia esplika.

Ministériu Solidariedade Sosial ho Inkluzaun (MSSSI), hanesan ezemplu, "halo hela levantamentu ida kona-ba impaktu hosi medida sira ne'ebé halo iha faze dahuluk intervensaun nian, liuliu apoiu diretu ba família sira", Magalhães esplika.

Depois sei presiza hanoin dekretu-lei foun sira hodi regula ho implementa medida ida-idak ne'ebé maka aprova iha loron-kuarta ne'e, nia destaka, kordenasaun hosi nia implementasaun maka halo hosi Ministériu Kordenador hosi Asuntu Ekonómiku (MCAE).

Folin total hosi medida sira sei determina hela, tanba opsaun sira ne'ebé hato'o inklui alternativa oioin kona-ba kuantia hosi apoiu sira, kalkula katak kustu bele ultrapasa dolar millaun 100.

Medida sira ne'ebé aprova iha loron-kuarta ne'e inklui atribuisaun hosi sesta bázika ida - ka vale kompras nian - hosi sasán alimentar sira no hijiene pesoal importante sira, ho preferénsia hosi produsaun nasional ka lokal".

Governu aprova mós subsídiu mensal pekuniáriu ida, durante fulan lima, ba empreza sira ne'ebé inskritu iha Seguransa Sosial atu hahú fali nia atividade lahó suspende ka hamenus horáriu normal servisu nian.

Empreza sira hosi área turizmu, ne'ebé laiha kondisaun hodi hahú fali atividade, bele hetan benefísiu ba apoiu.

Medida datoluk maka izensaun ba empreza sira ba pagamentu kontribuisaun sosial sira durante fulan neen no ikus maka subsídiu ida ba traballador sira hosi área informal, ne'ebé rejista, ekivale ba 60% hosi valor renumerasaun baze hosi insidénsia kontributivu hosi eskalaun dahuluk hosi adezaun fakultativu ba rejimi kontributivu hosi Seguransa Sosial, durante fulan sira Outubru, Novembru ho Dezembru".

Iha Juñu, governador hosi Banku Sentral Timor-Leste (BCTL) nian katak ekonomia timoroan - ne'ebé iha ona krizi tanba situasaun polítika hosi tinan ikus sira iha nasaun - rekua ona pelumenus 6%.

Timor-Leste laiha kazu ativu sira ba COVID-19 dezde loron 15 Maiu, hosi kazu máximu ida hamutuk 24.

Lusa

 


Comentários

Critério de publicação de comentários