Pájina aktualizada iha 16:12h, segunda-feira 21 Setembru

Akordu entre Timor-Leste ho Banku Mundial ba área edukativu vale dolar millaun 23,55

30 de Julho de 2020, 20:51

Akordu ne'ebé asina iha loron-kuarta entre Governu ho Banku Mundial hosi apoiu ba Edukasaun iha valor ida hosi dolar millaun 23,55 no sei benefisia estudante ho profesor sira hamutuk rihun 150.


Projetu, ne'ebé Konsellu Ministru sira aprova ona, halo parte iha pakote ida hosi projetu foun sira hosi Banku Mundial iha Timor-Leste, iha valor dolar millaun 48 hodi hadi'a fornesimentu hosi bee, iha rede saneamentu no iha edukasaun iha Timor-Leste.

Iha kazu hosi área edukativu, projetu haree "ba fortalesimentu ho transformasaun hosi ensinu báziku", ho sala aula foun sira ho atualizadu, instalasaun eskolar sira ho kualidade boot ensinu nian.

Implementa hosi Ministériu Edukasaun, Juventude ho Desportu, projetu sei haruka 60% resin hosi finansiamentu ba kontrusaun ho reabilitasaun hosi sala aula sira ho eskola sira no "sei hadi'a planeamentu hosi infraestrutura sira hodi garanti atu obra foun sira kumpri padraun mínimu sira".

Tuir Banku Mundial, programa iha área edukativu sei benefisia estudante sira, profesor sira ho responsável eskolar sira hamutuk rihun 150, ho "mudansa transformadora sira iha ambiente aprendizajen nian", infraestrutura eskolar sira ne'ebé di'ak, programa efikaz sira hosi formasaun profesor sira nian ho sistema jestaun nian.

Apoiu sei fó liuhosi kréditu ida hamutuk dolar millaun 15 hosi International Development Association (IDA), hosi grupu Banku Mundial no apoiu finanseiru ida hamutuk millaun 8,55 hosi Global Partnership for Education.

Aleinde área edukativu, Banku Mundial aprova ona iha Abril, iha ámbitu hosi Kuadru Parseria ho Nasaun 2020-24, projetu sira iha área sira seluk liuliu bee ho saneamentu.

"Fornesimentu hosi bee-moos, saneamentu ho edukasaun ho kualidade aas ba ema tomak hanesan importante hodi hetan diminuisaun hosi pobreza, promova kapital humanu ho harii futuru ida ne'ebé pasífiku liu ho prósperu ba Timor-Leste", hatete hosi reprezentante hosi Banku Mundial iha nasaun, Macmillan Anyanwu.

"Projetu sira ne'e halo parte hosi esforsu kordenadu ida hosi Grupu Banku Mundial nian hodi apoia ajenda dezenvolvimentu hosi kapital humanu iha Timor-Leste. Hanesan kompromisu importante ne'ebé sei kontribui hodi hamenus kiak ho promove prosperidade", nia hatete.

Projetu abastesimentu bee ho saneamentu, iha valor dolar millaun 25, sei fó benefísiu ba ema rihun 25 iha Baucau, sidade boot daruak iha nasaun.

Hanesan hodi apoia Ministériu Obras Públikas "iha konstrusaun ho garantia hosi jestaun efisiente ida ho sustentável hosi sistema ida sentralizadu ba abastesimentu bee hodi fornese bee-moos ne'ebé tratadu ho ligasaun sira ba instalasaun doméstika sira, empreza sira, eskola sira ho servisu komunitáriu sira".

Sei harii mós estasaun ida tratamentu nian ho sistema esgotu sira hosi baze komunitáriu ho estrutura hodi rekolla no trata bee rezidual doméstiku sira nian.

Projetu sei iha kontributu adisional hamutuk dolar millaun lima hosi Governu.

Lusa


Comentários

Critério de publicação de comentários