Pájina aktualizada iha 15:44h, domingu 09 Agostu

Parlamentu Nasional aprova iha jeneralidade kódigu mineiru

30 de Julho de 2020, 23:46

Iha loron-kinta ne'e, Parlamentu Nasional aprova ona ho unanimidade no iha jeneralidade kódigu mineiru foun iha nasaun, diploma ne'ebé hetan ona proposta oioin no marka beibeik ho rezisténsia iha tinan hirak ikus ne'e.


Testu aprova ona ho votu hamutuk 54, votu sira ne'e mai hosi deputadu sira ne'ebé marka prezensa iha sesaun ida ne'ebé halo hosi visi-prezidente parlamentu nian, Angelina Sarmento.

Kódigu mineiru aprova ona iha plenáriu estraordináriu ida hosi Parlamentu Nasional ne'ebé konklui iha loron-kinta ne'e nia períudu servisu nian hosi sesaun lejislativu, hahú hala'o fali iha Setembru.

Tanba extensaun ho natureza téknika hosi diploma, deputadu sira desidi ona katak debate iha espesialidade sei hala'o iha sede hosi komisaun espesializadu, hahú de'it hafoin regresu hosi atividade parlamentar.

Diferensa hosi opiniaun sira entre partidu sira, interpretasaun sira kona-ba oinsá tenki jere área, kestaun sira kona-ba lisensa ambiental sira no to'o kona-ba atu kria ka la'e empreza públika ida ba área, ekivalente ho petrolífera nasional Timor Gap, marka ona debate sira relasionadu ho testu kódigu nian.

Aprovasaun hosi kódigu mineiru Timor-Leste nian hetan beibeik rezisténsia balun, ho proposta dahuluk aprezenta ba Parlamentu kaduka tiha ona, tanba final hosi lejislatura - Timor-Leste iha eleisaun lejislativu iha 2017 no antesipadu iha tinan 2018.

Proposta ne'ebé maka aprova iha loron-kinta ne'e iha jeneralidade aprezenta iha Jullu 2019, asina hosi deputadu sira hosi Congresso Nacional da Reconstrução Timorense (CNRT), hosi Partidu Libertasaun Popular (PLP) no hosi Kmanek Haburas Unidade Nacional Timor Oan (KHUNTO) – ne'ebé integra antes iha koligasaun anterior Governu - no mós hosi Partidu Demokrátiku (PD).

Projetu lei hosi artigu neen akompaña kódigu naruk ho pájina 84 no artigu hamutuk 160 resin, no sira ne'ebé maka konta ona hosi komisaun espesializadu sira parlamentu nian, iha nia análize preliminar, ho opiniaun tékniku sira hosi Departamentu Mina sira nian hosi Fakuldade Siénsia hosi Universidade Coimbra nian, tanba falta espesialista sira iha matéria iha parlamentu.

Lusa

 


Comentários

Critério de publicação de comentários