Pájina aktualizada iha 14:52h, segunda-feira 21 Setembru

COVID-19: Profesor portugés sira sei la fila ba Timor-Leste iha fulan ne'e

10 de Setembro de 2020, 16:33

Kuaze totalidade hosi profesor portugés sira ne'ebé destakadu iha Timor-Leste iha projetu luzu-timoroan iha eskola timoroan sira sei la fila ba Díli iha aviaun ne'ebé maka ajenda ba fulan ne'e, haktuir hosi fonte Ministériu Edukasaun nian.


Fonte esplika katak iha kauza maka kestaun selu pasajen sira hosi dosente sira, hosi responsabilidade Ministériu Edukasaun timoroan nian, ne'ebé nia loron, tanba kestaun administrativu sira, Timor-Leste labele garanti.

Desizaun "susar" ida ne'ebé maka foti mós tanba adiamentu hosi loron previstu antes ba semo, ne'ebé pasa hosi loron 06 ba loron 20 Setembru, ne'ebé implika atu profesor sira - ne'ebé tuir loloos bainhira to'o tenki kumpri kuarentena - bele fila de'it ba aula sira iha Outubru.

Tinan letivu iha Timor-Leste hotu iha Dezembru, nune'e, kontabiliza époka ezame sira nian, profesor sira sei iha de'it fulan ida aulan nian antes, eventualmente, fila ba Portugal.

Ministériu Edukasaun esplika katak sei halo de'it viajen kordenador hosi eskola sira na'in lima ne'ebé maka iha hela Portugal, hodi garanti katak situasaun "la afeta futuru hosi projetu ka koperasaun nian" ho Governu portugés iha área ne'e.

Iha kauza maka situasaun hosi grupu ida hosi profesor na'in 88 hosi profesor hamutuk na'in 138 ne'ebé destaka iha Sentru Aprendizajen ho Formasaun Eskolar (CAFE) sira ne'ebé maka hakarak fila ba Portugal iha semo repatriamentu ne'ebé halo iha inísiu Abril.

Dezenvolve hamutuk hosi Ministériu sira Edukasaun nian hosi Portugal ho Timor-Leste, ne'ebé fahe despeza sira, projetu sentra iha rekualifikasaun hosi ensinu timoroan iha lian portugeza, iha eskola públika sira iha munisípiu tomak no iha Rejiaun Administrativa Espesial Oecusse-Ambeno (RAEOA).

Liutiha fulan rua labele fila, tanba Timor-Leste suspende ona semo komersial tomak dezde Marsu, EuroAtlántiku, ne'ebé halo ona semo repatriamentu iha inísiu Abril, hatudu disponibilidade hodi halo ligasaun foun ida iha fulan ne'e.

Maioria hosi viajen sei uza hosi ema portugés sira ho ema timoroan sira ne'ebé presiza halo viajen iha sentidu rua, entre sira maka inklui estudante sanulu resin hosi Timor-Leste ne'ebé maka agora iha hela nasaun oioin (Kuba, Brazil, Reinu Unidu, Itália ho Portugal) no ne'ebé maka hakarak fila ba uma.

Iha faze dahuluk hanoin ona atu lori de'it metadu hosi dosente sira, sira ne'ebé presiza ba nível oioin ensinu nian no disiplina oioin.

Opsaun ne'e ikusmai halakon tiha, hanoin de'it atu lori kordenador sira ba Timor-Leste, karik uza semo hosi Programa Alimentar Mundial (PAM), ne'ebé sei konfirma nia loron.

Timor-Leste, ne'ebé tama iha períudu dalima, durante loron 30 nia laran, hosi estadu emerjénsia, agora daudaun iha kazu ativu ida hosi COVID-19, ho pasiente na'in 26 rekupera ona dezde hahú pandemia.

Lusa

 


Comentários

Critério de publicação de comentários