Pájina aktualizada iha 14:52h, segunda-feira 21 Setembru

Ministru Edukasaun timoroan afirma fali dedikasaun iha koperasaun ho Portugal

10 de Setembro de 2020, 21:31

Iha loron-kinta ne'e, ministru Edukasaun, Juventude ho Desportu timoroan nian, Armindo Maia, afirma fali dedikasaun ho kompromisu hosi autoridade sira nasaun nian hodi mantén no to'o aumenta koperasaun ho Portugal iha área edukativu ho lian nian.


"Ami iha dedikasaun total ho kompromete hodi kontinua ho reforsa koperasaun ne'e. No ami haree ona lista to'o profesor portugés na'in 160 resin ba rekrutamentu ba Sentru Aprendizajen sira ho Formasaun Eskolar nian (CAFE)", nia hatete ba Lusa.

Armindo Maia esplika ona katak kompromisu mantén maski foti ona "desizaun susar", tanba sirkunstánsia sira ne'ebé hamosu hosi COVID-19, hodi laiha regresu hosi grupu ida hosi profesor na'in 88 hosi CAFE ne'ebé sai hosi Timor-Leste iha inísiu Abril.

"Ha'u tenki foti desizaun susar tebes. Dezde inísiu ne'ebé maka ami kompromete ho regresu hosi profesor sira maibé iha mudansa oioin iha loron viajen nian ne'ebé maka marka ona ba loron 20 Setembru", nia esplika.

"Iha mós inserteza balun hosi parte kompañia nian no, maski profesor sira halo viajen, ho kuarentena sei iha de'it aula fulan ida antes fila fali ba Portugal", nia esplika.

Iha kauza maka situasaun hosi grupu ida hosi profesor na'in 88 hosi profesor hamutuk na'in 138 ne'ebé destaka iha Sentru Aprendizajen ho Formasaun Eskolar (CAFE) sira ne'ebé maka hakarak fila ba Portugal iha semo repatriamentu ne'ebé halo iha inísiu Abril.

Dezenvolve hamutuk hosi Ministériu sira Edukasaun nian hosi Portugal ho Timor-Leste, ne'ebé fahe despeza sira, projetu sentra iha rekualifikasaun hosi ensinu timoroan iha lian portugeza, iha eskola públika sira iha munisípiu tomak no iha Rejiaun Administrativa Espesial Oecusse-Ambeno (RAEOA).

Liutiha fulan rua labele fila, tanba Timor-Leste suspende ona semo komersial tomak dezde Marsu, EuroAtlántiku, ne'ebé halo ona semo repatriamentu iha inísiu Abril, hatudu disponibilidade hodi halo ligasaun foun ida iha fulan ne'e.

Maioria hosi viajen sei uza hosi ema portugés sira ho ema timoroan sira ne'ebé presiza halo viajen iha sentidu rua, entre sira maka inklui estudante sanulu resin hosi Timor-Leste ne'ebé maka agora iha hela nasaun oioin (Kuba, Brazil, Reinu Unidu, Itália ho Portugal) no ne'ebé maka hakarak fila ba uma.

"Hasoru kondisionalizmu sira ho konstranjimentu sira, ha'u desidi atu mai de'it kordenador na'in lima ne'ebé falta, ne'ebé ami sei tenta atu halo viajen ba Timor-Leste iha aviaun hosi Programa Alimentar Mundial (PAM) iha 16 Setembru", nia esplika.

"Sira sei halo viajen iha semo komersial sira to'o Kuala Lumpur no depois iha aviaun ne'e ba Díli", nia refere.

Armindo Maia admiti ona katak sei hanesan oportunu atu Governu permiti semo regular mensal ida hodi tama no sai hosi Timor-Leste, situasaun ida ne'ebé, nia esplika, "sei hanoin hela".

"Ha'u hanoin katak hanesan útil hod fasilita mobilidade hosi estudante sira ho profesor sira maibé sujeitu ba evolusaun hosi pandemia ne'e", nia nota.

Kona-ba eskola sira hosi cAFE rasik, Armindo Maia hatete ona katak servisu nafatin iha sentru oioin profesor portugés na'in 50 no sei hamutuk ho kordenador na'in lima ne'ebé sei to'o mai.

"Ho reforsu ne'e no hamutuk ho ekipa ne'ebé iha ona iha ne'e, ami bele konklui tinan letivu. La'ós hanesan ami hakarak 100% maibé ha'u hanoin katak ami bele garanti funsionamentu", nia esplika.

Timor-Leste, ne'ebé tama iha períudu dalima, durante loron 30 nia laran, hosi estadu emerjénsia, agora daudaun iha kazu ativu ida hosi COVID-19, ho pasiente na'in 26 rekupera ona dezde hahú pandemia.

Lusa

 


Comentários

Critério de publicação de comentários