Pájina aktualizada iha 15:14h, segunda-feira 21 Setembru

COVID-19: Prezidente Repúblika promulga dekretu-lei apoiu nian ba jornalista sira

14 de Setembro de 2020, 20:42

Prezidente Repúblika promulga ona iha loron-segunda ne'e dekretu-lei ne'ebé atribui subsídiu monetáriu ida ba jornalista sira ne'ebé serbisu ona iha kobertura hosi pandemia COVID-19 nian iha Timor-Leste, durante períudu sira estadu emerjénsia nian entre Marsu ho Maiu.


Dekretu-lei, aprova iha Konsellu Ministru iha 12 Agostu, hanesan konjuntu ikus hosi diploma sira Governu nian ne'ebé defini subsídiu sira hodi apoia traballador sira hosi área atividade oioin ne'ebé maka iha ona liña importante hodi hatán ba pandemia.

Iha komunikadu, Prezidénsia Repúblika destaka knaar ho "importánsia boot" hosi jornalista sira iha preparasaun ho divulgasaun hosi informasaun sira ne'ebé relasionadu ho prevensaun ho kontrolu COVID-19 nian.

Hanesan hodi apoia jornalista sira ne'ebé maka iha ona liña importante, ariska hetan espozisaun direta ba vírus, hodi halo kobertura lokal sira hanesan Sentru Integradu hosi Jestaun Krizi nian, fatin sira kuarentena nian no izolamentu ho fatin sira seluk.

Diploma kalkula selu subsídiu diáriu ida ho dolar 10 no 15 entre loron 27 Marsu ho 27 Maiu.

Lista hosi jornalista sira ne'ebé hetan benefísiu apoiu ne'e prepara ona hosi Diresaun Nasional hosi Divulgasaun Informasaun nian.

Informasaun ikus sira hosi jornalista sira ne'ebé sei simu apoiu seidauk fó sai hosi Ministériu Asuntu Parlamentar sira ho Komunikasaun Sosial.

Timor-Leste agora daudaun iha kazu ativu ida hosi COVID-19, ho pasiente na'in 26 rekupera ona dezde hahú pandemia.

Nasaun agora daudaun iha períudu dalima, durante loron 30, hosi estadu emerjénsia ne'ebé prolonga to'o inísiu fulan-Outubru.

Lusa

 


Comentários

Critério de publicação de comentários