Pájina aktualizada iha 15:44h, segunda-feira 21 Setembru

COVID-19: Indonézia hala'o fali medida limitadu sira iha Jakarta

14 de Setembro de 2020, 22:55

Populasaun besik millaun sanulu iha Jakarta sei kumpri fali, pelumenus, semana rua hosi medida limitadu sira hosi distansiamentu sosial hasoru risku hosi aumentu kontájiu COVID-19 nian, indika hosi autoridade sira.


Kapital Indonézia nian rejista ona kazu hosi moras ne'e hamutuk rihun 54 dezde hahú pandemia, kuaze 1/4 hosi total infetadu sira iha nasaun tomak, no ema na'in 1.390 resin mate, no hanesan populasaun ho númeru boot liu ba óbitu nian.

"Ami presiza medida restritivu liu hodi kontrola aumentu hosi kazu sira iha Jakarta", indika hosi governador Jakarta nian, Anies Baswedan, iha loron-domingu.

Kapital, ne'ebé tama hela iha faze ida tranzisaun nian ba normalidade, iha sekuénsia hosi izolamentu parsial ida ne'ebé hotu ona iha Juñu, tenki agora taka eskola sira, zona rekreativu sira, parke sira ho instalasaun desportiva sira, nune'e mós suspensaun hosi semináriu sira, konferénsia sira ka kazamentu sira, entre eventu sosial sira seluk.

Reimpozisaun hosi medida sira, inklui parajen hosi atividade ekonómiku sira ne'ebé la importante, sei prolonga to'o loron 28 Setembru, la afeta provínsia sira ho sidade viziñu sira.

Aleinde promosaun hosi teletraballu, pasiente asintomátiku sira ka ho sintoma kmaan sira sei haruka ba sentru governamental sira, ba kuarentena, labele hela iha uma.

Prezensa iha fatin relijiozu sira sei limitadu ba 50% hosi kapasidade total, no sira ne'ebé maka situa iha zona sira ho risku aas sei taka. Maibé, viajen sira ba sidade sira seluk bele hala'o maski iha limitasaun balun.

Ho populasaun millaun 267, Indonézia hanesan nasaun dahaat ne'ebé iha populasaun barak liu iha mundu no, ho kazu rihun 218 COVID-10 nian sai hanesan nasaun daruak hosi Sudeste Aziátiku ne'ebé maka afetadu liu ho pandemia. Ho vítima mortal na'in 8.723 sai hanesan nasaun ho mortalidade aas liu iha rejiaun.

Lusa

 


Comentários

Critério de publicação de comentários