Pájina aktualizada iha 15:44h, segunda-feira 21 Setembru

Ajente sira sosiedade sivil nian sertifikadu iha literasia orsamental

14 de Setembro de 2020, 23:54

Ajente hosi sosiedade sivil timoroan na'in 20 resin kompleta ona formasaun ida iha literasia orsamental, iha kuadru hosi projetu luzu-europeu ida hodi hadi'a jestaun ho supervizaun hosi finansa públika nian iha Timor-Leste.


Formasaun, ne'ebé hala'o iha Sentru Kultural hosi Embaixada Portugal nian iha Díli, halo iha kuadru hosi "Parseria hodi hadi'a Prestasaun Servisu sira liuhosi Jestaun ho Supervizaun hosi Finansa Públika sira reforsadu iha Timor-Leste" (PFMO), projetu ne'ebé selu hosi Uniaun Europeia ho Portugal no implementa hosi Camões-Institutu Koperasaun ho Lian nian.

"Uniaun Europeia atribui importánsia mak'as ba kontributu hosi sosiedade sivil iha supervizaun hosi finansa públika, ba nia kapasidade hodi responsabiliza autoridade sira bainhira nesesáriu no hodi defende sidadaun sira nia interese. Tanba ne'e maka literasia orsamentária hanesan importante tebes", hatete hosi embaixador UE nian iha Díli, Andrew Jacobs, iha serimónia entrega sertifikadu sira.

Programa PFMO nian "hanesan programa ida ne'ebé importante liu hosi Uniaun Europeia iha Timor-Leste", la'ós de'it iha nível hosi nia valor finanseiru, "maibé mós tanba asuntu hanesan importánsia maka'as ba dezenvolvimentu sustentável ida hosi ekonomia timoroan nian", nia destaka.

Jornada sira hakarak reforsa knaar hosi Organizasaun Sosiedade Sivil iha sistema hosi kompromisu ho kontrapezu no iha nia kapasidade diálogu ho artikulasaun ho Parlamentu Nasional, Tribunal Konta, Komisaun Antikorupsaun, Polísia Sientífika hosi Investigasaun Kriminal nian, Inspesaun Jeral Estadu nian ho Órgaun sira Komunikasaun Sosial nian.

Hakarak kapasita mós organizasaun sira hosi sosiedade sivil hodi "dezempeña regularmente nia knaar hosi baze haat demokrasia nian, hodi superviziona polítika públika sira ho promove, kontrola prestasaun servisu sira ho sasán públiku sira".

Ikusmai, hakarak ajuda partisipante sira "hodi estabelese ho uza dalan prátika sira ne'ebé apoia nia estratéjia sira advokasia nian no promove mudansa sistemátika, diálogu ho koperasaun entre órgaun estatal sira ho la estatal sira".

"Formasaun iha supervizaun ba Finansa Públika hanesan área relevante ida ba dezenvolvimentu ho demokrasia, ne'ebé knaar hosi Sosiedade Sivil hanesan kapital importánsia", destaka hosi formadora Fernanda Borges, eis-deputada ho espesialista iha finansa públika.

Lusa

 


Comentários

Critério de publicação de comentários