Pájina aktualizada iha 14:02h, segunda-feira 21 Setembru

Prezidente Repúblika hatete katak mantén Governu iha funsaun hodi hasoru ho "dezafiu sériu sira" iha nasaun

15 de Setembro de 2020, 22:41

Iha loron-tersa ne'e, Prezidente Repúblika hatete ona presiza ona "mantén Governu daualuk ne'ebé iha funsaun sira" hodi bele hatán ba "impaktu adversu sira" ho ba "dezafiu sériu sira" ne'ebé maka nasaun hasoru ona iha tinan ne'e, inklui pandemia COVID-19.


"Hodi garanti estabilidade nasaun nian (…), ha'u labele hili pozisaun seluk ne'ebé maka mantén Governu daualuk iha funsaun sira. Primeiru-ministru aseita ona desizaun hosi Prezidente Repúblika ho sentidu hosi misaun ho konsiénsia dever nian hodi hasai nia pedidu demisaun", afirma hosi Francisco Guterres Lu-Olo iha Parlamentu Nasional.

"Hanesan presiza, iha momentu ne'ebá, iha Governu ida hodi jere impaktu adversu sira ne'ebé maka mosu tanba COVID-19. Movimentu hosi partidu oioin (…) kria ona estável maioria ida, no permiti ona saida maka hanesan nafatin ha'u nia pozisaun: atu Governu tuir loloos kumpri nia mandatu tomak. Situasaun sosial ho ekonómika nasaun nian mós eziji nune'e", nia sustenta.

Francisco Guterres Lu-Olo ko'alia iha Parlamentu Nasional iha abertura hosi sesaun lejislativa datoluk hosi lejislatura dalima ne'ebé nia inísiu hahú ho prosesu orsamentar konsekutivu rua.

Ohin, Governu entrega ona ba parlamentu proposta hosi lei Orsamentu Jeral Estadu (OJE) nian ba 2020 - nasaun moris hela ho duodésimu dezde 01 Janeiru -, kalkula katak iha Outubru entrega proposta ba konta públika sira 2021 nian.

Lu-Olo, iha loron-tersa ne'e, fila fali ba parlamentu, ba dala uluk, dezde Setembru 2018, bainhira ko'alia iha inísiu hosi sesaun lejislativa dahuluk hosi lejislatura - ne'ebé sai hosi eleisaun antesipadu sira - no bainhira Governu atual, daualuk, ne'ebé antes lidera hosi Aliansa Mudansa ba Progresu (AMP).

Hahú hosi momentu ne'ebá, aliansa - harii hosi CNRT, PLP ho KHUNTO - fahe malu, ho saída hosi Congresso Nacional da Reconstrução Timorense (CNRT), Xanana Gusmão nian, hosi Governu ho Frente Revolucionária do Timor-Leste Independente (Fretilin), xefe Estadu nia partidu, hamutuk ho Partidu Libertasaun Popular (PLP) hosi atual primeiru-ministru nian ho Kmanek Haburas Unidade Nacional Timor Oan (KHUNTO), partidu rua seluk hosi AMP nian.

Xefe Estadu dedika parte hosi nia diskursu ba evolusaun hosi situasaun polítika ho konstitusional hosi nasaun, refere ba faktu agora Governu iha apoiu hosi maioria parlamentar foun ida, garanti estabildiade governativa iha nasaun.

Nia konsidera katak la'ós mudansa hosi kompozisaun hosi maioria ne'e, la'ós xumbu iha Janeiru ba proposta OJE nian ba tinan ne'e determina "rasik final hosi Governu ne'ebé iha funsaun sira ka nesesidade hodi harii Governu foun ida".

"Argumenta ona katak rejeisaun [hosi proposta OJE nian] sei sai hanesan razaun de'it hodi nune'e Prezidente Repúblika bele sobu Parlamentu Nasional. Faktu ne'e la konstitui obrigatoriedade atu sobu órgaun soberania ne'e", nia konsidera.

Nune'e, no maski iha tensaun polítika, Prezidente konsidera ona katak xumbu orsamental "la reprezenta krizi institusional todan ida", tanba Governu kontinua iha funsaun sira, bele aprezenta proposta orsamental foun, inklui "iha sesaun lejislativu hanesan" no parlamentu "kontinua iha ezersísiu total ho regular hosi nia funsaun konstitusional sira".

Nia defende katak iha kuadru ne'e maka iha hanesan "opsaun úniku hosi valor konstitusional, kontinuasaun hosi Governu Konstitusional daualuk no hosi nia primeiru-ministru", inklui haree ba pandemia COVID-19.

"Kontinuasaun ida ho lejitimidade ne'ebé asegura hosi maioria parlamentar foun ida" ne'ebé, hein, atu garati estabilidade to'o mandatu nia rohan, iha 2023.

"Hanesan importante atu iha diálogu loloos no abertu entre partidu sira hotu ne'ebé iha fatin iha parlamentu hodi buka solusaun sira hosi kontinuidade ho estabilidade ba ezekusaun di'ak hosi knaar sira hosi responsabilidade Governu nian hodi iha benefísiu hodi hadi'a kondisaun moris sira hosi ita nia povu", nia afirma.

"Ita labele lakon tempu. Hanesan imperativu ho urjente fó benefísiu ba ita nia povu ho rekursu sira ne'ebé maka nasaun iha", nia hatete.

Lu-Olo destaka ona "dezafiu sériu sira" ne'ebé tinan ne'e "obriga hanoin hikas ho reflete kona-ba prioridade sira hosi asaun ho desizaun sira" hosi responsável sira nasaun nian.

Nia hatete katak nundasaun devastador sira iha Díli, iha 13 Marsu, ho pandemia COVID-19, eziji ona medida urjente sira hodi proteje populasaun - inklui estadu emerjénsia.

"Governu nune'e iha kondisaun sira hodi foti medida oioin, inklui taka fronteira sira, harii unidade sira kuarentena ho izolamentu ho formasaun hosi ekipa sira hodi sensibiliza ita nia povu ba prevensaun hosi COVID-19", nia destaka.

Timor-Leste agora daudaun iha kazu ativu ida hosi COVID-19.

Lusa

 


Comentários

Critério de publicação de comentários